બૉબી દેઓલની આશ્રમની ચોથી સીઝનનું જયપુરમાં શૂટિંગ શરૂ

પ્રકાશ ઝાના ડિરેક્શનમાં બની રહેલી આ સિરીઝનો સેટ જયપુરની હોટેલ શિવ વિલાસમાં તૈયાર કરવામાં આવ્યો છે

શૂટિંગ માટે હોટેલ પરિસરને ‘આશ્રમ’નું રૂપ આપવામાં આવ્યું છે

બૉબી દેઓલને લીડ રોલમાં ચમકાવતી વેબ-સિરીઝ ‘આશ્રમ’ની ચોથી સીઝનનું શૂટિંગ જયપુરમાં શરૂ કરી દેવાયું છે. પ્રકાશ ઝાના ડિરેક્શનમાં બની રહેલી આ સિરીઝનો સેટ જયપુરની હોટેલ શિવ વિલાસમાં તૈયાર કરવામાં આવ્યો છે. અહીં છેલ્લા કેટલાક દિવસોથી સિરીઝનાં અલગ-અલગ દૃશ્યોનું શૂટિંગ કરવામાં આવી રહ્યું છે. શૂટિંગ માટે હોટેલ પરિસરને ‘આશ્રમ’નું રૂપ આપવામાં આવ્યું છે અને સેટ પર બાબા નિરાલાના પાત્ર સાથે જોડાયેલી મોટી-મોટી તસવીરો પણ લગાવવામાં આવી છે. આ ઉપરાંત સિરીઝના રોલ માટે જયપુરના કલાકારોનાં ઑડિશન પણ લેવામાં આવી રહ્યાં છે.

હાલમાં ત્રિધા ચૌધરી અને ચંદન રૉય સાન્યાલ સહિત અન્ય કલાકારો શૂટિંગમાં ભાગ લઈ રહ્યાં છે અને ટૂંક સમયમાં બૉબી દેઓલ પણ શૂટિંગ યુનિટ સાથે જોડાશે.