જિમી શેરગિલની ‘કૉલર બૉમ્બ’માં શું હશે?

ડિઝની+હૉટસ્ટારની ક્રાઇમ-થ્રિલર ફિલ્મ ‘કૉલર બૉમ્બ’માં જિમી એક સ્કૂલને સુસાઇડ બૉમ્બરથી બચાવતા પોલીસ-ઑફિસરના પાત્રમાં જોવા મળશે

‘કૉલર બૉમ્બ’નું પોસ્ટર

‘માચીસ’, ‘તનુ વેડ્સ મનુ’, ‘અ વેન્સ્ડે’ જેવી નોંધપાત્ર ફિલ્મો કરનાર જિમી શેરગિલ ડિઝની+હૉટસ્ટારની ફિલ્મ ‘કૉલર બૉમ્બ’માં એક પોલીસ-અધિકારીના પાત્રમાં જોવા મળશે. મિસ્ટરી ક્રાઇમ-થ્રિલર ફિલ્મ ‘કૉલર બૉમ્બ’માં જિમી શેરગિલ એસએચઓ મનોજ હેસીના રોલમાં છે, જે એક સ્કૂલને સુસાઇડ બૉમ્બરના અટૅકથી બચાવવા અને માસ્ટરમાઇન્ડને પકડવા મથે છે. ગળેથી લટકાવેલા બૉમ્બ માટે ‘કૉલર બૉમ્બ’ અથવા ‘નેકલેસ બૉમ્બ’ એવો શબ્દ પ્રયોજાય છે. જિમી શેરગિલ ઉપરાંત ‘પવિત્ર રિશ્તા ફેમ આશા નેગી, ‘સેક્રેડ ગેમ્સ’ ફેમ રાજશ્રી દેશપાંડે, ‘જમતારા’ ફેમ સ્પર્શ શ્રીવાસ્તવ વગેરે આ ફિલ્મમાં મહત્ત્વના રોલમાં છે. ‘કૉલર બૉમ્બ’ને જ્ઞાનેશ ઝોટિંગે ડિરેક્ટ કરી છે અને ‘સિરિયસ મૅન’ લખનારા નિખિલ નાયર એના રાઇટર છે.