Panchayat Season 4 Trailer: ફુલેરામાં ચૂંટણી જંગ શરૂ, નાટકીય વળાંક લેશે સચિવજીની પ્રેમકહાની!

Panchayat Season 4 Trailer: જીતેન્દ્ર કુમાર અને નીના ગુપ્તા સ્ટારર વેબ સિરીઝનું ધમાકેદાર ટ્રેલર આવી ગયું છે; મેકર્સે નવી રિલીઝ ડેટ પણ જાહેર કરી; ફેન્સના ઉત્સાહનો પાર નહીં

‘પંચાયત ૪’ની નવી રિલીઝ તારીખ જાહેર કરવામાં આવી છે

એમેઝોન પ્રાઇમ વિડિયો (Amazon Prime Video)ની સુપરહિટ વેબ સિરીઝ ‘પંચાયત’ (Panchayat) તેની ચોથી સીઝન (Panchayat Season 4) સાથે વાપસી કરી રહી છે. દર્શકો છેલ્લા ઘણા સમયથી ‘પંચાયત ૪’ની આતુરતાથી રાહ જોઈ રહ્યા છે તેથી નિર્માતાઓએ સિરીઝ થોડી વહેલી રજૂ કરવાની જાહેરાત કરી છે. આજે બુધવારે, ‘પંચાયત ૪’ની નવી રિલીઝ તારીખ જાહેર કરવામાં આવી છે, સાથે જ ટ્રેલર (Panchayat Season 4 Trailer out) પણ રિલીઝ કરવામાં આવ્યું છે. આ વખતે ટ્રેલરમાં, ફૂલેરા ગામમાં પ્રધાની ચૂંટણીનો સમગ્ર માહોલ બતાવવામાં આવશે.

જીતેન્દ્ર કુમાર (Jitendra Kumar), નીના ગુપ્તા (Neena Gupta) અને રઘુબીર યાદવ (Raghubir Yadav) સ્ટારર આ સિરીઝની આગામી સિઝન, ‘પંચાયત ૪’ ફુલેરા ગામની મજેદાર વાર્તાને આગળ લઈ જવા માટે તૈયાર છે. દર્શકો માટે એક સારા સમાચાર છે કે રિલીઝ તારીખ બદલાઈ ગઈ છે અને હવે આ સિરીઝ વહેલી આવશે. ‘પંચાયત ૪’ પહેલા ૨ જુલાઈ ૨૦૨૫ના રોજ રિલીઝ થવાની હતી, પરંતુ ચાહકોની માંગને ધ્યાનમાં રાખીને નિર્માતાઓએ તેને વહેલા રિલીઝ કરવાનો નિર્ણય લીધો છે. હવે આ સિરીઝની નવી સિઝન ૨૪ જૂન ૨૦૨૫ના રોજ એમેઝોન પ્રાઇમ વિડિયો પર સ્ટ્રીમ થશે.

આજે ‘પંચાયત ૪’નું ટ્રેલર રિલીઝ કરવામાં આવ્યું છે. ટ્રેલર ખૂબ જ રસપ્રદ છે. ચોથી સીઝનમાં, ફુલેરા ગામમાં પ્રધાની ચૂંટણી છે. મંજુ દેવી અને ક્રાંતિ દેવી સામસામે છે અને સ્પર્ધા પણ ખૂબ જ નજીક છે. સચિવજીથી લઈને રિંકી સુધી બધા ચૂંટણી પ્રચારમાં વ્યસ્ત છે. આ વખતે પ્રચાર દરમિયાન, સચિવજીને પણ માર મારવામાં આવે છે. સિરીઝમાં ગ્રામ પંચાયત ચૂંટણીમાં મતદાતા અને ઉમેદવારના મનોવિજ્ઞાન અને વર્તનને દર્શાવવાનો પ્રયાસ કરવામાં આવ્યો છે.

ટ્રેલરમાં `પંચાયત` શ્રેણીના તમામ લોકપ્રિય પાત્રોની ઝલક જોવા મળે છે. પછી ભલે તે પ્રહલાદ ચા હોય, પ્રધાનજી હોય કે મંજુ દેવી, સેક્રેટરી જી, બનરાકસ, વિકાસ, રિંકી અને વિનોદ હોય. આ વખતે મંજુ દેવી વધુ તીક્ષ્ણ વલણમાં જોવા મળે છે. ગ્રામીણ વિસ્તારોમાં ચૂંટણી પ્રચાર કેવી રીતે કરવામાં આવે છે અને મતદારોને કેવી રીતે પોતાની તરફ આકર્ષવામાં આવે છે તે પણ રમુજી રીતે બતાવવામાં આવ્યું છે. આ સિઝનમાં, રિંકી અને સચિવજીની પ્રેમકથા પણ આગળ વધી રહી હોય તેવું ટ્રેલરમાં લાગે છે.

૧૧ જૂન ૨૦૨૫ના રોજ રિલીઝ થયેલ પંચાયત સીઝન ૪નું ટ્રેલર યુટ્યુબ પર ટ્રેન્ડ કરી રહ્યું છે. તેમાં ફુલેરાનું ચૂંટણી વાતાવરણ, મજેદાર રેલી ગીતો અને વચનોનો વરસાદ જોવા મળે છે. ટ્રેલરને લાખો વ્યૂઝ મળ્યા છે, અને ચાહકો સોશિયલ મીડિયા પર #Panchayat4 સાથે પોતાનો ઉત્સાહ વ્યક્ત કરી રહ્યા છે.

‘પંચાયત ૪’ પહેલા ૨ જુલાઈ ૨૦૨૫ના રોજ રિલીઝ થવાની હતી, પરંતુ ચાહકોની માંગ પર નિર્માતાઓએ તેને વહેલા રિલીઝ કરવાનો નિર્ણય લીધો. હવે આ સિરીઝ ૨૪ જૂન ૨૦૨૫ના રોજ એમેઝોન પ્રાઇમ વિડિયો પર સ્ટ્રીમ થશે. ચાહકોએ panchayatvoting.com પર મતદાન કરીને રિલીઝ તારીખ વહેલી લાવવામાં મદદ કરી. આ શ્રેણીનું દિગ્દર્શન દીપક કુમાર મિશ્રા (Deepak Kumar Mishra) અને અક્ષત વિજયવર્ગીય (Akshat Vijaywargiya) દ્વારા કરવામાં આવ્યું છે, અને તેનું નિર્માણ ધ વાયરલ ફીવર (TVF) દ્વારા કરવામાં આવ્યું છે.