04 June, 2021 12:04 PM IST | Mumbai | Nirali Dave
રિત્વિક સાહોર
‘દંગલ’, ‘લાખોં મેં એક’, ‘ફ્લૅમ્સ’ વગેરેમાં ગભરુ ટીનેજરનો રોલ કરનારો રિત્વિક સાહોર આગામી સિરીઝ ‘ઇન્દોરી ઇશ્ક’માં પહેલી વખત એક ઇન્ટેન્સ પાત્ર ભજવી રહ્યો છે. ‘ઇન્દોરી ઇશ્ક’માં રિત્વિક સાહોર કુણાલના રોલમાં છે જે બીજી બધી રીતે તો સફળ લાઇફ ધરાવે છે, પણ પ્રેમસંબંધમાં મળેલા દગાને કારણે તેની લાઇફ ઊલટસૂલટ થઈ જાય છે. રિત્વિક માટે આ પાત્ર કેટલું ચૅલેન્જિંગ રહ્યું એ વિશે તેણે વાત કરી.
રિત્વિક કહે છે, ‘ઇન્દોરી ઇશ્ક’માં મારું કુણાલનું પાત્ર હું જે રિયલમાં છું એનાથી અને પહેલાં મેં ભજવેલાં અન્ય પાત્રોથી એકદમ વિપરીત છે. કુણાલ અન્ય છોકરા જેવો જ છે, પણ જ્યારે તેને પ્રેમમાં દગો મળે છે ત્યારે તે ગાંડપણની દરેક હદ પાર કરી નાખે છે! મેં મારી રિયલ લાઇફમાં જે બ્રેકઅપ કે અન્ય ઇમોશન્સ જોયાં છે એનો પણ ઉપયોગ આ કૅરૅક્ટર માટે કર્યો છે. એટલું જ નહીં, હું સ્મોક નથી કરતો, પણ આ સિરીઝ માટે હું પહેલી વખત સગારેટ પકડતાં શીખ્યો!’