ધી ફેન્ટમ ઑફ ધી ઑપેરા, વિશ્વપ્રસિદ્ધ મ્યુઝિકલ માર્ચ મહિનાથી NMACCમાં જોઇ શકાશે

જેને થિએટરનું ભૂત ગણાય છે તેવી વ્યક્તિ યુવાન ક્રિસ્ટીનને પોતાની શિષ્યા બનાવે છે અને પછી આગળ વધે છે પ્રેમ પેશન અને ઇર્ષ્યાની વાર્તા, વિશ્વ પ્રસિદ્ધ મ્યુઝિકલ જોવાનું ન ચૂકતાં

વિશ્વના સૌથી પ્રતિષ્ઠિત અને લોકપ્રિય મ્યુઝિકલ ફેન્ટમ ઑફ ધી ઑપેરાના શોઝ માર્ચથી શરૂ થશે

નીતા મુકેશ અંબાણી કલ્ચરલ સેન્ટર (NMACC)માં હવે તમે જોઇ શકશો મ્યુઝિકલ ધી ફેન્ટમ ઑફ ધી ઑપેરા જે એક આઇકોનિક પ્રસ્તુતી છે. અત્યાર સુધીમાં NMACCમાં માઇલસ્ટોન પ્રોડક્શન્સ દર્શાવાયા છે જેમાં ‘ધ ગ્રેટ ઇન્ડિયન મ્યુઝિકલ: સિવિલાઇઝેશન ટુ નેશન’ જેવા બ્લોકબસ્ટર શો અને ‘ધ સાઉન્ડ ઓફ મ્યુઝિક’, ‘મામ્મા મિયા!’, ‘માટિલ્ડા ધી મ્યુઝિકલ’, ‘લાઇફ ઓફ પાઇ’ જેવા સર્વોત્તમ મ્યુઝિકલ પ્રોડક્શન્સનો સમાવેશ થાય છે. હવે 5મી માર્ચથી અહીં એન્ડ્રુ લોય્ડ વેબરનું અતિપ્રસિદ્ધ ધી ફેન્ટમ ઑફ ધી ઓપેરા જોઇ શકાશે. આ પ્રસંગે NMACCનાં સ્થાપક અને ચેરપર્સન નીતા અંબાણીએ કહ્યું કે, "NMACCની સ્થાપના થઇ ત્યારથી અમારું એ જ વિઝન રહ્યું છે કે ભારત અને વિશ્વના સર્વોત્તમ શોઝ, કળા તમામને અહીં રજૂ કરવા. NMACCની બીજી વર્ષગાંઠ આવી રહી છે ત્યારે હું અનેક પેઢીઓને મંત્ર મુગ્ધ કરનાર, એક અજાયબી સમાન અને સૌથી શાનદાર પ્રેમકથાનું બિરુદ પામનાર મ્યુઝિકલ ધી ફેન્ટમ ઑફ ધી ઑપેરાને NMACCના મંચ પરથી પ્રેક્ષકો સુધી પહોંચાડી રહી છું. આ એક અસાધારણ પ્રસ્તુતિ છે અને દર્શકોને તેનો હિસ્સો બનવા, તે અનુભવવા માટે હું હાર્દિક આમંત્રણ આપું છું."

ગેસ્ટન લેરોક્સની 1910ની નવલકથા, લે ફેન્ટોમ ડી લોપેરા પર આધારિત, `ધ ફેન્ટમ ઓફ ધ ઓપેરા` એક રહસ્યમય માસ્ક પહેરેલી વ્યક્તિની વાર્તા કહે છે જે પેરિસ ઓપેરા હાઉસની નીચે છુપાયેલ છે, જે તેમાં રહેતા બધા પર આતંકનું શાસન ચલાવે છે. જ્યારે ફેન્ટમ એક યુવાન સોપ્રાનો, ક્રિસ્ટીન ડાએ સાથે પ્રેમમાં પાગલ થઈ જાય છે, ત્યારે તે તેની અસાધારણ પ્રતિભાઓને ઉછેરવા માટે, તેના આદેશ પર કપટી પદ્ધતિઓનો ઉપયોગ કરવા માટે પોતાની જાતને સમર્પિત કરે છે.

ક્રિસ્ટીનની પ્રતિભાથી મંત્રમુગ્ધ થઈને, તે તેને પોતાની પટ્ટ શિષ્યા બનાવે છે અને તે નથી જાણતો કે ક્રિસ્ટીન તેના બાળપણના મિત્ર રાઉલના ગળાડૂબ પ્રેમમાં છે. ફેન્ટમનો જુસ્સો અને ક્રિસ્ટીન માટેનું ઓબ્સેશન ઘટનાઓને નાટકીય વળાંક આપે છે. એવા સંજોગો ખડા થાય છે જ્યાં ઈર્ષ્યા, દિવાનગી અને જુસ્સો ટકરાય છે.

એન્ડ્રુ લોયડ વેબરની `ધ ફેન્ટમ ઓફ ધ ઓપેરા` ને વિશ્વની સૌથી સુંદર અને અદભુત પ્રોડક્શન્સમાંનું એક માનવામાં આવે છે, જે 21 ભાષાઓમાં 195 શહેરોમાં 160 મિલિયનથી વધુ લોકો સમક્ષ રજૂ કરવામાં થઇ ચૂક્યું છે. 9 ઓક્ટોબર 1986 ના રોજ લંડનના વેસ્ટ એન્ડમાં હર મેજેસ્ટી થિયેટરમાં પ્રીમિયર થયા પછી અને 26 જાન્યુઆરી 1988 ના રોજ બ્રોડવે પર મેજેસ્ટિક થિયેટરમાં ડેબ્યૂ થયા પછી, `ધ ફેન્ટમ ઓફ ધ ઓપેરા` એ 70થી વધુ પ્રમુખ થિયેટર પુરસ્કારો જીત્યા છે.9 જાન્યુઆરી, 2006ના રોજ, તે બ્રોડવેના ઇતિહાસમાં સૌથી લાંબો ચાલતો શો બન્યો, જેણે તેના ૭,૪૮૬મા પ્રદર્શન સાથે CATS ને પાછળ છોડી દીધું. એન્ડ્રુ લોયડ વેબરના રોમેન્ટિક, ભૂતિયા અને એક પરાકાષ્ઠાએ પહોંચતા ગીતોમાં "ધ મ્યુઝિક ઓફ ધ નાઈટ", "ઓલ આઈ આસ્ક ઓફ યુ", "વિશિંગ યુ વેર સમહાઉ હીયર અગેન", "માસ્કારેડ" અને પ્રતિષ્ઠિત ટાઇટલ સોંગનો સમાવેશ થાય છે.

મુંબઈ પહોંચનાર આ પ્રસ્તુતી એક રીતે કલા, કલાકાર અને પ્રેક્ષકોને માટે NMACCને એક કાયમી ઠેકાણાં તરીકે સ્થાપિત છે. ધી ફેન્ટમ ઑફ ધી ઑપેરાની ટિકિટ્સ ૧૨૫૦ રૂપિયાથી શરૂ થાય છે. હમણાં જ nmacc.com અથવા bookmyshow.com પર બુક કરો. આ પ્રોડક્શનમાં સ્મોક, ધુમ્મસ, સ્ટ્રોબ લાઇટિંગ અને જોરદાર સાઉડ ઇફેક્ટ્સ છે અને તે ૭ વર્ષ અને તેથી વધુ ઉંમરના લોકો જોઇ શકે તેમ છે. `ધી ફેન્ટમ ઓફ ધી ઓપેરા` વિશે વધુ માહિતી, www.thephantomoftheopera.com વેબસાઇટની મુલાકાત લો.

નીતા મુકેશ અંબાણી કલ્ચરલ સેન્ટર કલાના ક્ષેત્રમાં બેજોડ સ્થળ છે અને આવું ભારતમાં બીજે કશે જ નથી. તે મુંબઈના બાંદ્રા કુર્લા કોમ્પ્લેક્સની મધ્યે આવેલા જિયો વર્લ્ડ સેન્ટરની અંદર છે.કલ્ચરલ સેન્ટર ત્રણ પર્ફોર્મિંગ આર્ટ્સ સ્પેસનું ઘર છે: ભવ્ય 2,000-સીટર ગ્રાન્ડ થિયેટર, ટેકનોલોજીની રીતે અદ્યતન 250-સીટર સ્ટુડિયો થિયેટર અને ડાયનેમિક 125-સીટર ક્યુબમાં તમે વિવિધ પ્રોડક્શન્સ જોઇ શકશો. કલ્ચરલ સેન્ટરમાં આર્ટ હાઉસ પણ છે, જે ભારત અને વિશ્વભરના શ્રેષ્ઠ કલાત્મક પ્રતિભાની રજૂઆત અને ઇન્સ્ટોલેશન્સની શ્રેણીને દર્શાવવાના ઉદ્દેશ્ય સાથે વૈશ્વિક સંગ્રહાલયના ધારા-ધોરણો અનુસાર બનાવવામાં આવેલ ચાર માળનું સમર્પિત એક્ઝિબિશન સ્થળ છે.
વળી NMACCના કોન્કોર્સમાં અનેક ઉમદા પબ્લિક આર્ટ પણ જોઇ શકાશે જેમાં પ્રખ્યાત ભારતની સૌથી મોટી એવી કમલ કુંજ પિછવાઇ તો છે જ પણ સાથે નામી ભારતીય અને વિદેશી કલાકારોના સર્જનો પણ સમાવિષ્ટ છે. 

ધ બોક્સ ફાઇવ ક્લબ:
ધ રિયલી યુઝફુલ ગ્રુપે ધ બોક્સ ફાઇવ ક્લબ શરૂ કરી છે, જે એન્ડ્રુના ચાહકો માટે એક હબ છે. લોયડ વેબરના મ્યુઝિકલના નહીં જોયેલા  આર્કાઇવ્સ, પડદા પાછળની ક્ષણો, નવા વીડિઓઝ, લેખો અને નવા શો અને મ્યુઝિકલના પ્રિવ્યુઝ પણ તેમાં જોઇ શકાશે. વેબરના ચાહકો 
boxfiveclub.com પર મફતમાં સાઇન અપ કરીને ક્યુરેટેડ ન્યૂઝ લેટર્સ, ફર્સ્ટ લૂક,  શોઝને લગતા સમાચાર, લેખો, વીડિયો, ટિકિટ્સનું વહેલું એક્સેસ મેળવી શકશે. વધુ માહિતી માટે TheBoxFiveClub.com પર જઇ શકશો.  ધી ફેન્ટમ ઑફ ધી ઑપેરાનું સંગીત, દ્રશ્યોનો પ્રભાવ અદ્ભૂત છે. તેના ગીતો તમને બાંધી રાખશે તો તેની વાર્તા તમને તમારા પ્રેમની ઉત્કટતા યાદ કરાવશે એ ચોક્કસ. તેની પર બનેલી ફિલ્મમાં જેરાર્ડ બટલર, એમ્મી રોઝ અને પેટ્રિક વિલ્સને અભિનય કર્યો હતો અને આ ફિલ્મ 2004માં રિલિઝ થઇ હતી. કેનેડા, લંડન, ન્યૂ યોર્કમાં બ્રોડવેમાં લોકોના દિલ જીતી ચૂકેલું આ મ્યુઝિકલ જોવાનો લ્હાવો હવે NMACC થકી ભારતીય દર્શકોને મળી રહ્યો છે.  આ એક હ્રદય સ્પર્શી વાર્તા છે અને તેનું વિશ્વ તમને એક નવી જ દુનિયામાં લઇ જશે અને માટે જ તેનો લાઈવ શો જોવાનું ન ચૂકવું જોઇએ.