આજની રેસિપી: ભુટ્ટે કી કીસ

ભુટ્ટે કી કીસ રેસિપી આ રીતે બનાવી શકીએ

પ્રતીકાત્મક તસવીર

સામગ્રી : સ્વીટ કોર્ન દાણા - ૨ કપ, ઘી - ૧ મોટો ચમચો , હિંગ - ૧/૪ ચમચી, રાઈ - ૧ ચમચી, જીરુ -૧ ચમચી, આદું - ૧ ચમચી, લીલું મરચું - ૧/૨, હળદર - ૧/૪ ચમચી, સાકર, - ૧/૪ ચમચી, દૂધ અથવા પાણી ૩/૪ કપ, લીંબુ રસ - ૧ મોટો ચમચો, કોપરું - ૧ મોટો ચમચો, કોથમીર - ૧ મોટો ચમચો, તેલ - ૧ મોટો ચમચો, ગાર્નિશિંગ માટે ૧ મોટો ચમચો બારીક સેવ, જીરાવન મસાલા /ચાટ મસાલા - ૧ નાની ચમચી.

બનાવવાની રીત : સ્વીટ કોર્નના દાણાને ધોઈને મિક્સરમાં પલ્સ મોડ પર અધકચરા વાટો અથવા આખા મકાઈ દાણાને છીણીથી છીણો. એક પૅનમાં તેલ લઈને ધીમા તાપે જીરુ, રાઈ, હિંગનો વઘાર કરો. આદુ-મરચાં નાખીને સાંતળો. મકાઈ ઉમેરો અને ત્રણ મિનિટ સાંતળો. હવે આમાં હળદર, સાકર, અને દૂધ અથવા પાણી નાખીને પાંચ મિનિટ ગરમ કરો. સાઇડ છોડે અને મકાઈ પેસ્ટ ગોળ ફરે એટલે એમાં લીંબુ રસ ઉમેરો.એક ચમચો ઘી નાખીને મિક્સ કરો. સર્વિંગ પ્લેટમાં કીસ ઉપર કોપરું, કોથમીર, સેવ, જીરાવન મસાલો છાંટીને આ ઇન્દોર સ્પેશ્યલ સ્ટ્રીટ ફૂડ સર્વ કરો.