ગુજરાતમાં દેવસ્થાનની યાત્રા માત્ર દર્શન પૂરતી સીમિત નથી હોતી. યાત્રાના રસ્તે મળતો સ્થાનિક સ્વાદ પણ પ્રવાસની યાદોમાં આગવું સ્થાન બનાવી લે છે. જેમ કે મહુડી જતાં આંબોડ ગામના હાઇવે પર મળતા ગરમાગરમ મેથીના ગોટા, ગણેશપુરાની કરકરી કેળાની વેફર, ડાકોરના દહીં ગોટા કે નાથદ્વારાની રબડી, ઠંડાઈ અને કચોરી જેવા સ્વાદો ઘણી વાર યાત્રાનો જ એક ભાગ બની જાય છે. એ જ રીતે, રઢુ ગામના કામનાથ મહાદેવના દર્શનની યાત્રા સાથે બારેજા પાસે મળતા અદિતિ દાળવડાનો સ્વાદ પણ મારી યાદોમાં ખાસ રીતે જળવાઈ ગયો છે. ૭૦૦ વર્ષથી વધુ જૂના ઇતિહાસ અને ઘીની અનોખી પરંપરા સાથે સંકળાયેલા કામનાથ મહાદેવના પવિત્ર સ્થાનની આ યાત્રામાં સ્વાદ અને શ્રદ્ધા બંનેનો સુંદર સંગમ અનુભવાયો.
ગુજરાતમાં રેસ્ટોરન્ટ્સ અને સ્ટ્રીટ ફુડ વિશે લખનારાઓમાં પૂજા સાંગાણીનું નામ જાણીતું છે. મિડ-ડે અખબારમાં લગલગાટ બે વર્ષ સુધી ખાઇ પીને મોજ નામની કૉલમથી તેઓએ ગુજરાતી ફુડને સ્વાદ રસિયાઓ સમક્ષ રજૂ કર્યું ત્યારે હવે તેઓ ડિજિટલી સ્વાદની "જ્યાફત" આપણી સાથે શૅર કરશે. ફૂડી પૂજા ગાંધીનગરમાં જન્મ્યાં અને વડોદરામાં ઉછર્યાં. અંગ્રેજી સાહિત્યમાં માર્સ્ટર્સ કરનારા પૂજા ગુજરાતી અને અંગ્રેજી બંન્ને ભાષામાં કોન્ટેન્ટ રાઇટિંગ કરતાં આવ્યા છે. તે ફૂડ રાઇટર જ નહીં પણ ફૂડ બ્લોગર પણ છે અને સોશ્યલ મીડિયા સ્ટ્રેટેજિસ્ટ તરીકે પણ કામ કરે છે. ફૂડ બ્લોગર, ફૂડ લેખિકા અને સોશિયલ મીડિયા સ્ટ્રેટેજિસ્ટ તરીકે પોતાના અનુભવનો લોકોને લાભ આપે છે. તેઓ સોશ્યલ મીડિયા પર પણ પોતાના લખાણો મુકે છે તથા તેમના કામને પગલે બે એવોર્ડ પણ તેઓ મેળવી ચૂક્યાં છે. નવા રેસ્ટરન્ટ્સ ખૂલે કે કોઇ નવો ફૂડ ટ્રેન્ડ હોય તે અચૂક ત્યાં પહોંચે અને સ્વાદ રસિકોને માર્ગદર્શન પણ આપતા રહે છે. ચાલો માણીએ જ્યાફત. (તસવીરો : પૂજા સાંગાણી)
02 October, 2026 05:21 IST | Mumbai | Gujarati Mid-day Online Correspondent
