26 November, 2025 12:50 PM IST | Mumbai | Gujarati Mid-day Correspondent
પાલક રાઇસ વિથ એક્ઝૉટિક્સ વેજિસ ઇન પૅપરિકા સૉસ
સામગ્રી રાઇસ માટે : પાલકની અને કોથમીરની એક ઝૂડી ધોઈને સાફ કરેલી, બાફેલા રાઇસ અને બરફના ટુકડા
એક્ઝૉટિક વેજિસ અને પૅપરિકા સૉસ માટે : રેડ, ગ્રીન અને યલો કૅપ્સિકમ, યલો અને ગ્રીન ઝુકિની, ગાજર, કૉર્ન, ચિલી ફ્લેક્સ, ઓરિગેનો, લસણ પાંચથી ૬ કળી, મીઠું, બટર બેથી ૩ ચમચી, મેંદો બે ચમચી, દૂધ દોઢ કપ (દૂધ જોઈએ તો વધારે-ઓછું કરવું), મરચું અડધી ચમચી, મરી પાઉડર, જાયફળ પાઉડર એક ચમચી, પીત્ઝા-પાસ્તા સૉસ એક મોટો ચમચો
પાલક રાઇસ બનાવવાની રીત : પાલકને ગરમ પાણીમાં નાખીને એકથી બે મિનિટમાં કાઢી લેવી અને તરત બરફના પાણીમાં નાખવી. પાલક, કોથમીર અને બે-ત્રણ ક્યુબ બરફ લઈને મિક્સરમાં પીસી લેવું. રાઇસ બૉઇલ કરીને રાખવા અને સાવ ઠંડા કરી લેવા. એક પૅનમાં બટર અને તેલ મૂકી ખડા મસાલા નાખીને પાલક પ્યુરી નાખવી. પછી રાઇસ નાખવા અને મીઠું નાખવું.
એક્ઝૉટિક વેજિઝ અને પૅપરિકા સૉસ બનાવવાની રીત : એક પૅનમાં થોડું તેલ મૂકીને લસણ સાંતળવું. પછી થોડા ચિલી ફ્લેક્સ નાખીને સાંતળવા. એમાં ૩ કલરનાં કૅક્સિકમ નાખીને થોડાં સાંતળવાં (ક્રન્ચી જ રાખવાં). બે કલરની ઝુકિની નાખવી. ત્યાર બાદ બૉઇલ કરેલા કૉર્ન અને ગાજર ઍડ કરવા. મીઠું નાખવું, ઓરિગેનો નાખવો. હવે બીજી પૅનમાં બટર નાખવું. પછી મેંદો નાખીને શેકવો. એમાં થોડું દૂધ ઍડ કરવું. વાઇટ સૉસ રેડી કરવો. અડધી ચમચી મરચું નાખવું. મીઠું (થોડું) નાખવું. જાયફળ પાઉડર નાખવો. પીત્ઝા-પાસ્તા સૉસ નાખવો. ચિલી ફ્લેક્સ, ઓરિગેનો, મરી પાઉડર નાખવો. મીઠું બટરમાં પણ હોય અને વેજિટેબલમાં પણ નાખેલું હોય તો સૉસમાં ઓછું નાખવું. બધાં વેજિટેબલ સૉસમાં ઍડ કરવાં.