આજની રેસિપી: સોયા પૅટીસ

જાણી લો કઈ રીતે બનાવશો સોયા પૅટીસ

સોયા પૅટીસ

સામગ્રી : ૧ કપ સોયા ચન્ક \ સોયા વડી, ૨ નંગ ડુંગળી, ૨ નંગ ટમેટાં, ૧ નંગ કૅપ્સિકમ, ૨ ચમચી આદું-મરચાં અને લસણની પેસ્ટ, ૧ ચમચી લાલ મરચું, ૧ ચમચી ધાણાજીરુંનો પાઉડર, ૧\૨ ચમચી હળદર, સ્વાદ અનુસાર મીઠું, પા ચમચી ગરમ મસાલો, બે ચમચી ચણાનો લોટ, થોડી ઝીણી સમારેલી કોથમીર, ૩ ચમચી મોરી તેલની.

રીત : એક કપ સોયા ચન્કને પાણીમાં અડધો કલાક પલાળીને ૧૦ મિનિટ માટે ઊકળવા મૂકવા. બૉઇલ કરેલા સોયા ચન્ક ઠંડા થઈ જાય ત્યારે ચારણીથી નિતારીને મિક્સરમાં ક્રશ કરવા. પેસ્ટ તૈયાર થઈ જાય ત્યારે એને એક બાઉલમાં કાઢી એમાં ઝીણી સુધારેલી ડુંગળી, ટમેટાં અને કૅપ્સિકમ નાખવાં. એની સાથે જ આદું-મરચાં-લસણની પેસ્ટ, ચણાનો લોટ અને બધા મસાલા નાખીને સ્વાદ અનુસાર મીઠું નાખવું. છેલ્લે ઝીણી સમારેલી કોથમીર નાખવી. બરાબર મિક્સ થઈ ગયા પછી પૅટીસ વાળવી અને નૉનસ્ટિક કડાઈમાં સૅલો ફ્રાય કરવી. લીલી ચટણી સાથે એને ગરમાગરમ સર્વ કરવી. 

- હેતલ મુન્દ્રા

 

તમે પણ મોકલી શકો છો રેસિપી : સાથે વાનગીનો ફોટો હોવો જરૂરી. તમારા નામ, ફોટો અને ફોન-નંબર સાથે gujmid@gmail.com પર ઈમેઇલ કરો. સિલેક્ટેડ રેસિપી પ્રકાશિત થશે