26 January, 2022 11:39 AM IST | Mumbai | Dr. Mukul Choksi
પ્રતીકાત્મક તસવીર
મારી ઉંમર ૪૬ વર્ષ છે અને મારા હસબન્ડની ૫૧ વર્ષ. ઉંમરના તફાવતને કારણે અમને ઘણી વાર સેક્સ્યુઅલ લાઇફમાં સમસ્યા આવે છે. મને મન થાય તો તેઓ વાયેગ્રા લઈને સમાગમ કરે. ત્યારે તેમને સારી ઉત્તેજના આવે, સમાગમ લાંબો ચાલે અને સંતોષકારક હોય છે. મહિનામાં લગભગ પાંચેક વાર સમાગમ કરતાં હોઈએ છીએ. મારા હસબન્ડ મોટાભાગે સ્ખલન બહાર જ કરે અને એ પછી પણ ક્યારેક વીર્ય અંદર જતું રહ્યું હોય એવું લાગે ત્યારે હું આઇ-પિલની ગોળી લઈ લઉં. મહિનામાં બે વાર આવી ગોળી લેવામાં આવે તો કોઈ વાંધો? મેનોપોઝ આવવું શરૂ થયું હોવાથી હવે પીરિયડ્સમાં તો અનિયમિતતા છે એટલે આઇ-પિલથી ચાલેને?
દહિસરના રહેવાસી
મહિનામાં પાંચવાર એટલે કે અંદાજે વીકમાં એકાદવાર વાયેગ્રા લેવામાં કશું જોખમ નથી પણ ધારી લઉં છું કે તમારા હસબન્ડને બ્લડપ્રેશર, ડાયાબિટીઝ કે હાર્ટનો કોઈ પ્રૉબ્લેમ નહીં હોય. જાતીય આનંદ મળે એ માટે હસબન્ડ તમારી ખુશીનું ધ્યાન રાખે છે એ સારી વાત છે. જોકે તમારો મેનોપૉઝનો સમય હજી ચાલુ થયો છે, જેને લીધે પીરિયડ્સ હવે અનિયમિત છે. જેનો સીધો અર્થ એવો છે કે તમને સંપૂર્ણપણે માસિક ગયું નથી. આવા સમયે પ્રેગ્નન્સીની શક્યતા જરા પણ નકારી શકાય નહીં અને તમે પ્રેગ્નન્સી ટાળવા માટે આઇ-પિલની ગોળી લો છો એ પણ બરાબર નથી. આઇ-પિલ માત્ર ઇમર્જન્સીમાં જ ગર્ભનિરોધક તરીકે વાપરવામાં આવે છે, એ રેગ્યુલર ન વપરાય. આ ગોળી હૉર્મોન-સાઇકલને ડિસ્ટર્બ કરવાનું કામ કરે છે.
મેનોપૉઝમાં માસિક સાવ બંધ નથી થયું ત્યારે સ્ખલન કરવામાં જોખમ તો છે જ છે. તમે પોતે સ્વીકારો છો કે ઘણી વાર ખબર નથી પડતી કે વીર્ય અંદર ગયું છે કે નહીં. આવા સમયે તમારે નિશ્ચિંત થઈને સમાગમનો આનંદ માણવો હોય તો કૉન્ડોમ જ સૌથી ઉત્તમ છે. બહેતર છે કે તમે એનો ઉપગોગ કરો. કૉન્ડોમ માત્ર પ્રેગ્નન્સીથી જ નહીં, પણ અન્ય ઇન્ફેક્શનથી પણ તમને સલામત રાખશે માટે શક્ય હોય ત્યારે કૉન્ડોમ વાપરવાનું રાખો એ તમારા હિતમાં છે.