હાથીઓના ગભરાટનાં દૃશ્ય વાયરલ, પ્રાણી પ્રેમીઓએ ઉઠાવ્યો અવાજ

Rath Yatra in Ahmedabad: આ દૃશ્યનો વીડિયો હવે સોશિયલ મીડિયા પર વાયરલ છે અને પ્રાણીઓના કલ્યાણ અંગે વધુ મોટી ચર્ચા શરૂ થઈ ગઈ છે.

વાયરલ વીડિયોમાંથી સ્ક્રીન શૉટ

અમદાવાદની રથયાત્રા ભક્તિનો તહેવાર છે, પરંતુ નિર્દોષ હાથીઓ સાથેના વર્તન પ્રત્યેની એક ઘટનાએ લોકોને ભાવુક કરી દીધા છે.

શોભાયાત્રા દરમિયાન હાથીઓ અચાનક ડરીને દોડવા લાગ્યા અને આખી યાત્રામાં અફરાતફરી મચી ગઈ. આ દૃશ્યનો વીડિયો હવે સોશિયલ મીડિયા પર વાયરલ છે અને પ્રાણીઓના કલ્યાણ અંગે વધુ મોટી ચર્ચા શરૂ થઈ ગઈ છે.

વિડિયોમાં હાથીઓની ગભરાટ અને આસપાસની અશાંતિ જોઈ લોકો ભાવુક થઈ ગયા. એક યુઝરે લખ્યું, "હાથીઓ શાંતિપ્રિય પ્રાણી છે, તેમને ભીડ અને અવાજ વચ્ચે કેમ લાવાય છે?" બીજાએ ઉમેર્યું, "તેમને તામાશાના ભાગરૂપે નહિ, પણ સંવેદનશીલતાથી જોવાં જોઈએ."

ઘણા પ્રાણી પ્રેમીઓએ સૂચન આપ્યું છે કે આવા હાથીઓને જ્યાં શાંતિ અને સાચવણી મળી શકે ત્યાં મોકલવા જોઈએ. એમાં વનતારા જેવી પશુ પુનર્વસન કેન્દ્રોની ચર્ચા થઈ રહી છે, જે અગાઉથી ઘાયલ અને અસહાય પ્રાણીઓ માટે કાર્યરત છે.

આ ઘટના માત્ર એક વીડિયો નથી — એ સંકેત છે કે હવે આપણને જીવધારીઓ માટે વધુ જવાબદાર બનવાની જરૂર છે.