ગુજરાતમાં ગાંધીનગર જિલ્લાના રૂપાલ ગામે આવેલા વરદાયિની માતાના મંદિરે પરંપરાગત રીતે નવરાત્રિમાં પલ્લી યોજાય છે. નવરાત્રિની નોમની રાતે યોજાયેલી પલ્લી ગામમાંથી રંગેચંગે હર્ષોલ્લાસથી નીકળી ત્યારે પલ્લી પર શ્રદ્ધાળુઓએ કરોડો રૂપિયાના લાખો મણ ઘીનો અભિષેક કર્યો હતો. રૂપાલમાં યોજાયેલી પલ્લીનાં દર્શન કરવા માટે દેશવિદેશથી લાખ્ખો માઈભક્તો ઊમટ્યા હતા અને વર્ષમાં માત્ર એક વાર નવરાત્રિમાં નીકળતી પલ્લીનાં દર્શન કરીને ધન્યતા અનુભવી હતી. નવરાત્રિની નોમની રાતે ત્રણેક વાગ્યે પલ્લી વાજતે-ગાજતે નીકળી હતી અને ગઈ કાલે સવારે સાડાસાત વાગ્યે મંદિરે પહોંચી હતી. રૂપાલ ગામના વિવિધ ચોકમાંથી પલ્લી હરખભેર આગળ વધતી હતી. ઠેર-ઠેર પલ્લીનું ભાવભીનું સ્વાગત કરવામાં આવ્યું હતું અને ટ્રૅક્ટરની ટ્રૉલીમાં તેમ જ પીપડાં ભરીને રાખવામાં આવેલા શુદ્ધ ઘીનો પલ્લી પર અભિષેક થયો હતો.
21 October, 2026 07:59 IST | Gandhinagar | Gujarati Mid-day Correspondent
