કચ્છના ખાવડામાં ગમખ્વાર અકસ્માતમાં ૭ મજૂરોનાં મોત, વડા પ્રધાને શોક વ્યક્ત કર્યો

પિકઅપ વૅન પલટી ખાઈ ગઈ હતી અને મજૂરો અંદર ફસાઈ ગયા હતા

ગમખ્વાર અકસ્માતની તસવીર

ખાવડા રિન્યુએબલ એનર્જી પાર્ક નજીક ગઈ કાલે મોડી રાત્રે એક પિક-અપ વૅન જેમાં ૩૦થી ૩૨ મજૂરો સવાર હતા એ ટ્રક સાથે અથડાતાં ૭ મજૂરોનાં મોત થયાં છે અને વીસથી વધુ ઘાયલ થયા છે. આ અકસ્માત વહેલી સવારે લગભગ ૪ વાગ્યે બન્યો હતો. પિકઅપ વૅન પલટી ખાઈ ગઈ હતી અને મજૂરો અંદર ફસાઈ ગયા હતા.

વડા પ્રધાન નરેન્દ્ર મોદીએ સોશ્યલ મીડિયા પર પોસ્ટ કરીને કહ્યું હતું કે ‘કચ્છમાં થયેલી દુર્ઘટનામાં મજૂરોએ જીવ ગુમાવ્યાના સમાચારથી ખૂબ જ દુઃખ થયું છે. જેમણે પોતાના પ્રિયજનો ગુમાવ્યા છે તેમના પ્રત્યે હું સંવેદના વ્યક્ત કરું છું. ઘાયલો ઝડપથી સ્વસ્થ થાય એવી પ્રાર્થના કરું છું.’