24 September, 2026 07:59 PM IST | Ahmedabad | Gujarati Mid-day Online Correspondent
વાયરલ વીડિયોમાંથી સ્ક્રીનશૉટ
અમદાવાદની નર્મદા યુનિવર્સિટીમાં એક એવી ઘટના બની જેને લઈને વિદ્યાર્થીઓમાં આક્રોશ જોવા મળી રહ્યો છે. અહીંના એક પ્રોફેસર એચ. કે. પટેલે એક કાર્યક્રમ દરમિયાન વિદ્યાર્થીનો કૉલર પકડી લીધો અને તેને ધમકી આપી. આ ઘટનાનો એક વીડિયો હવે સોશિયલ મીડિયા પર પોસ્ટ કરવામાં આવ્યો છે અને હવે તે જોરદાર વાયરલ થઈ રહ્યો છે. વીડિયો વાયરલ થયા બાદ, NSUIએ યુનિવર્સિટીમાં વિરોધ પ્રદર્શન કરવાની ચેતવણી આપી છે.
નર્મદા યુનિવર્સિટીના ઈલૅક્ટ્રોનિક્સ એન્ડ ઇન્સ્ટ્રુમૅન્ટેશન (EI) વિભાગના વિદ્યાર્થીઓ દ્વારા `ટૅક્નોફોરા` કાર્યક્રમનું આયોજન કરવામાં આવ્યું હતું. આ કાર્યક્રમમાં સ્ટૅન્ડ-અપ કૉમેડી શોનો પણ સમાવેશ થતો હતો. કાર્યક્રમ દરમિયાન વિભાગના વડા (HOD) અને પ્રોફેસર એચ. કે. પટેલ મંચ પર હાજર હતા. કાર્યક્રમ દરમિયાન, એક વિદ્યાર્થીએ ફિલ્મ ગોલમાલ 3નો ડાયલોગ બોલ્યો: "જલદી બોલ, કલ સુબહ પનવેલ નિકલના હૈ." ત્યારબાદ, પ્રોફેસર એચ. કે. પટેલે વિદ્યાર્થીને મંચ પર આવવાનો ઈશારો કર્યો. વિદ્યાર્થી મંચ પર પહોંચ્યો ત્યારે પ્રોફેસરે તેનો કૉલર પકડી લીધો.
ઘટનાના વીડિયોમાં પ્રોફેસર એચ. કે. પટેલ વિદ્યાર્થીને ધમકાવતા જોવા મળે છે. તેમણે કહ્યું, "હું કોઈપણ હદ સુધી જઈ શકું છું. જે દિવસે તમે નર્મદા યુનિવર્સિટી કૅમ્પસના કોઈપણ ફૅકલ્ટી સભ્યનું અપમાન કરવાની હિંમત કરશો, તે દિવસે તમારું કામ તમામ (એટલે કે તમારું ભવિષ્ય ખતમ) થઈ જશે." આ નિવેદનનો અર્થ એ હતો કે જો વિદ્યાર્થી નર્મદા યુનિવર્સિટીના કોઈપણ ફૅકલ્ટી સભ્યનું અપમાન કરે, તો તેની સામે કડક કાર્યવાહી થઈ શકે છે, જેના પરિણામે તેને યુનિવર્સિટીમાંથી કાયમી ધોરણે હાંકી કાઢવામાં આવી શકે છે.
સોશિયલ મીડિયા પર ઘટનાનો વીડિયો વાયરલ થયા બાદ વિવાદ વકર્યો છે. NSUIએ આ ઘટનાના વિરોધમાં નર્મદા યુનિવર્સિટીમાં વિદ્યાર્થીઓએ વિરોધ પ્રદર્શન કરવાની ચેતવણી આપી છે. NSUIના નેતા વેદાંતસિંહ તોમરે જણાવ્યું હતું કે વીડિયો જોયા બાદ તેમણે પ્રોફેસર એચ. કે. પટેલનો સંપર્ક કર્યો હતો. તેમના જણાવ્યા અનુસાર, પ્રોફેસરે ઘટનાને યોગ્ય ઠેરવી હતી અને ભારપૂર્વક કહ્યું હતું કે આ યુનિવર્સિટીનો આંતરિક મામલો છે. દરમિયાન, જ્યારે આ વિવાદ અંગે પ્રોફેસર એચ. કે. પટેલ સાથે વાત કરવામાં આવી, ત્યારે તેમણે આ બાબતે ચર્ચા કરવાનો ઇનકાર કર્યો હતો. વીડિયો અને ઘટનાને લઈને વિવાદ યથાવત છે. યુનિવર્સિટી પ્રશાસન દ્વારા કરવામાં આવેલી કોઈપણ કાર્યવાહી અંગે અત્યાર સુધી કોઈ માહિતી જાહેર કરવામાં આવી નથી.
ઉત્તરાખંડના ઉધમસિંહ નગર જિલ્લાના ખટીમા ગામમાં બાળકોમાં મોબાઇલનો વપરાશ ઘટાડવાની જાગૃતિ લાવવા માટે એક એવો સ્ટન્ટ થયો જેણે જબરજસ્ત કાગારોળ મચાવી દીધી. બાળકોમાં વધતુંજતું મોબાઇલનું ઍડિક્શન છોડાવવા માટે એક પ્રાઇવેટ સ્કૂલે બાળકોમાં એવી વાત ફેલાવી કે જો તમે વધુ મોબાઇલ વાપરશો તો ડૉક્ટર તમારી આંખો કાઢી લેશે. બાળકો આ વાત સાચી માની લે એ માટે એક નાટક રચવામાં આવ્યું. એક છોકરીની આંખ પર લાલ રંગ લગાવીને એની આંખ પર લાલ પટ્ટી લગાવી દેવામાં આવી. આ છોકરીએ રડારોળ અને બૂમાબૂમ કરીને બીજા વિદ્યાર્થીઓને કહ્યું કે તે ખૂબ મોબાઇલ વાપરતી હોવાથી ડૉક્ટરોએ તેની આંખ કાઢી લીધી છે અને તેને કંઈ દેખાતું નથી. થોડી જ વારમાં બીજા પણ કેટલાક સ્ટુડન્ટ્સ આંખે લાલ પાટા બાંધીને બૂમાબૂમ કરતા જોવા મળ્યા. અલબત્ત, આ બધું જ સિનિયર વિદ્યાર્થીઓ પાસે નાટકરૂપે કરાવવામાં આવ્યું હતું જેથી નાનાં બાળકોને સમજણ પડે. જોકે આ નાટકને સાચું માની લેનારાં નાનાં બાળકોએ તો જોરદાર રડારોળ કરી મૂકી. આ વિડિયો વાઇરલ થતાં સ્કૂલમાં ચિંતાતુર પેરન્ટ્સનો પણ ધસારો થવા લાગ્યો. ભલે સ્કૂલનો જાગૃતિ માટેનો આશય સારો હતો, પરંતુ એ માટે જે રસ્તો વાપરવામાં આવ્યો એ બાબતે ઇન્ટરનેટ પર મતમતાંતર છે.
