એનરિચ્ડ યુરેનિયમ દેશની બહાર નહીં જાય: ઈરાન, અમેરિકાને એ મળશે એવા ટ્રમ્પના દાવાને ફગાવ્યો

શુક્રવારે મોડી રાત્રે ઈરાનના વિદેશ મંત્રાલયે કહ્યું હતું કે ઈરાન એના સમૃદ્ધ યુરેનિયમના ભંડારને ક્યાંય ટ્રાન્સફર કરશે નહીં.

ડોનલ્ડ ટ્રમ્પ

ઈરાને અમેરિકાના પ્રેસિડન્ટ ડોનલ્ડ ટ્રમ્પના એ દાવાને ફગાવી દીધો હતો કે ઈરાન એના એનરિચ્ડ યુરેનિયમનો જથ્થો અમેરિકાને આપવા માટે સંમત થયું છે. શુક્રવારે મોડી રાત્રે ઈરાનના વિદેશ મંત્રાલયે કહ્યું હતું કે ઈરાન એના સમૃદ્ધ યુરેનિયમના ભંડારને ક્યાંય ટ્રાન્સફર કરશે નહીં.

વિદેશ મંત્રાલયના પ્રવક્તા ઇસ્માઇલ બકાઇએ સરકારી ટેલિવિઝનને આપેલી મુલાકાતમાં જણાવ્યું હતું કે ઈરાનનું સમૃદ્ધ યુરેનિયમ એના નિયંત્રણમાં છે અને એને વિદેશમાં ખસેડવામાં 
આવશે નહીં. ટ્રમ્પે એવો પણ દાવો કર્યો હતો કે ઈરાન એના પરમાણુ કાર્યક્રમને સ્થગિત કરવા માટે સંમત થયું છે.