બુધવાર સુધીમાં અમેરિકા અને ઈરાન વચ્ચે કોઈ કરાર નહીં થાય તો અમે બૉમ્બ ફેંકવાનું શરૂ કરીશું : ટ્રમ્પની ચેતવણી

અમેરિકાના પ્રેસિડન્ટ ડોનલ્ડ ટ્રમ્પે ફરી ઈરાન પર હુમલો કરવાની અને બૉમ્બ ફેંકવાની ચેતવણી આપી છે

ડોનલ્ડ ટ્રમ્પ

અમેરિકાના પ્રેસિડન્ટ ડોનલ્ડ ટ્રમ્પે ફરી ઈરાન પર હુમલો કરવાની અને બૉમ્બ ફેંકવાની ચેતવણી આપી છે. ઍરફોર્સ વનમાં એક પત્રકારે ડોનલ્ડ ટ્રમ્પને પૂછ્યું હતું કે જો બુધવાર સુધીમાં યુદ્ધવિરામ સમાપ્ત થાય ત્યારે તમારી સાથે કોઈ કરાર ન થાય તો શું તમે યુદ્ધવિરામ લંબાવશો? આ સવાલના જવાબમાં ટ્રમ્પે કહ્યું હતું કે ‘મને ખબર નથી. કદાચ હું એને લંબાવીશ નહીં, પરંતુ (હોર્મુઝ સ્ટ્રેટની) નાકાબંધી ચાલુ રહેશે. કમનસીબે અમારે ફરીથી બૉમ્બ ફેંકવાનું શરૂ કરવું પડશે.’