24 March, 2026 09:46 AM IST | Iran | Gujarati Mid-day Correspondent
એમાં અંગ્રેજી અને ફારસી બન્ને ભાષામાં સંદેશ દર્શાવવામાં આવ્યા છે જેમાં લખવામાં આવ્યું હતું કે ‘આ યુદ્ધ માત્ર ગેરકાયદે જ નથી, અમાનવીય પણ છે.
ઈરાનના રિવૉલ્યુશનરી ગાર્ડ્સે ઇઝરાયલ તરફ છોડવામાં આવેલી મિસાઇલ પર સ્પેનના વડા પ્રધાન પેડ્રો સાંચેઝના ‘નો ટુ વૉર’ લખેલાં સ્ટિકર લગાવ્યાં હતાં. આ મુદ્દે જે તસવીરો બહાર આવી છે એમાં અંગ્રેજી અને ફારસી બન્ને ભાષામાં સંદેશ દર્શાવવામાં આવ્યા છે જેમાં લખવામાં આવ્યું હતું કે ‘આ યુદ્ધ માત્ર ગેરકાયદે જ નથી, અમાનવીય પણ છે. આભાર, વડા પ્રધાન.’ લૉન્ચ દરમ્યાન ઇસ્લામિક રિવૉલ્યુશનરી ગાર્ડ્સ કૉર્ઝ (IRGC)ના કર્મચારીઓ અલ્લાહુ અકબરના નારા લગાવી રહ્યા છે.
ઈરાનનું આ પગલું સાંચેઝે તાજેતરના ટીવી-સંબોધનમાં સ્પેનની સ્થિતિને સ્પષ્ટપણે જાહેર કરી એના થોડા દિવસ પછી આવ્યું છે. ઈરાન પર અમેરિકા-ઇઝરાયલી હુમલાઓની ખુલ્લેઆમ ટીકા કરનારા થોડા યુરોપિયન નેતાઓમાં સાંચેઝે આ હુમલાઓને અન્યાયી, ગેરકાયદે અને ખતરનાક ગણાવ્યા હતા. સ્પેને ખુલ્લેઆમ અમેરિકા-ઇઝરાયલી હુમલાઓની ટીકા કરી હતી અને યુદ્ધના માનવતાવાદી અને આર્થિક પરિણામો પર પ્રકાશ પાડ્યો છે અને શાંતિનો આગ્રહ કર્યો છે.
