ઈરાનની ભાષારમત: ફારસી પ્રેસ-રિલીઝમાં કહ્યું કે એનરિચ્ડ યુરેનિયમ અમારો અધિકાર, અંગ્રેજીમાં મુદ્દો ઉડાવી દીધો

ફારસી ભાષાની પ્રેસ-રિલીઝમાં કહ્યું કે એનરિચ્ડ યુરેનિયમ અમારો અધિકાર, અંગ્રેજી રિલીઝમાં આ મુદ્દો ઉડાવી દીધો

પ્રતીકાત્મક તસવીર

ઈરાન અને અમેરિકા વચ્ચે બે અઠવાડિયાં માટે યુદ્ધવિરામ થયો છે અને આ માટે અમેરિકાનો ૧૫ પૉઇન્ટનો અને ઈરાનનો ૧૦ પૉઇન્ટનો પ્રસ્તાવ છે. ઈરાનના પ્રસ્તાવની ફારસી ભાષાની રિલીઝમાં સ્પષ્ટરૂપે માગણી કરવામાં આવી છે કે અમેરિકા ઈરાનના એનરિચ્ડ યુરેનિયમના અધિકારનો સ્વીકાર કરે, પણ આ રિલીઝના અંગ્રેજી અનુવાદમાં આ મુદ્દો ગાયબ છે. આ એક રીતે રણનીતિક અસ્પષ્ટતા છે. ઈરાન એના ઘરેલુ સમર્થકોને એ દર્શાવવા માગે છે કે એણે પરમાણુ અધિકાર મેળવી લીધો છે અને આંતરરાષ્ટ્રીય સ્તર પર આ મુદ્દે પોતાને સ્થિતિસ્થાપક બનાવી રાખવા માગે છે.
અમેરિકાના પ્રસ્તાવમાં ઈરાનના નાતાંજ, ફોર્ડો અને ઇસ્ફહાન જેવાં પરમાણુ મથકોને નિષ્કિય બનાવવાની માગણી સામેલ છે. આ સિવાય ઇન્ટરનૅશનલ ઍટમિક એનર્જી એજન્સીના સુપરવિઝનની વાત જણાવવામાં આવી છે. એનરિચ્ડ યુરેનિયમનો હિસ્સો દેશની બહાર મોકલવાની માગણી અમેરિકાએ કરી છે. ઈરાન જો આ શરતો માનશે તો એના પરના પ્રતિબંધો હટાવવામાં આવશે અને નાગરિક પરમાણુ ઊર્જા (વીજળી ઉત્પાદન) માટે મદદ કરવામાં આવશે.