07 June, 2026 10:13 AM IST | Washington | Gujarati Mid-day Correspondent
પ્રતીકાત્મક તસવીર
વૈશ્વિક ટેક્નૉલૉજી ક્ષેત્ર માટે ૨૦૨૬નું વર્ષ અત્યંત પડકારજનક સાબિત થઈ રહ્યું છે. એક નવા અહેવાલ મુજબ ૨૦૨૬ના પ્રથમ પાંચ મહિનામાં જ ટેક સેક્ટરમાં એક લાખથી વધુ કર્મચારીઓની છટણી થઈ ચૂકી છે. રિપોર્ટ અનુસાર આ વર્ષે અત્યાર સુધીમાં કુલ ૧,૧૬,૭૩૯ ટેક કર્મચારીઓ નોકરી ગુમાવી ચૂક્યા છે, જ્યારે મે મહિનામાં આશરે ૨૮,૮૮૯ કર્મચારીઓને છૂટા કરવામાં આવ્યા હતા. ગયા વર્ષે મે ૨૦૨૫માં આ સંખ્યા ૧૦,૫૭૭ હતી, જેની સરખામણીએ આ વર્ષે છટણીનો દર બમણાથી પણ વધારે છે. જોકે માર્ચ મહિનો ટેક સેક્ટર માટે સૌથી ખરાબ રહ્યો હતો,
જેમાં ૪૬,૦૦૦થી વધુ લોકો બેરોજગાર થયા હતા. ઉબર, મેટા, પેપાલ, સિસ્કો અને કૉઇનબેઝ જેવી મોટી કંપનીઓએ ખર્ચ ઘટાડવા અને આર્ટિફિશ્યલ ઇન્ટેલિજન્સ (AI)ને અપનાવવા માટે મોટા પાયે કર્મચારીઓની સંખ્યામાં ઘટાડો કર્યો છે.
