04 September, 2015 03:29 AM IST |
જોકે અઝરબૈજાન દેશના બાકુ શહેરમાં રહેતી પોતાને ક્રિસ્ટિના તરીકે ઓળખાવતી યુવતીને તેનું વર્જિનિટી વેચવાનું ગતકડું જબ્બર ભારે પડ્યું હતું. ઇન્ટરનેટ પર ઑક્શન કરીને તેણે દસ લાખ રૂપિયામાં પોતાની વર્જિનિટી મિખાઇલ નિસ્ટ્રિયન નામના માણસને વેચી હતી. તેમની વચ્ચે ડીલ ફાઇનલ થઈ હતી અને એના ભાગરૂપે ક્રિસ્ટિના પોતાના દેશમાંથી રશિયાના પેર્મ શહેરમાં આવી હતી. ૨૮ વર્ષના મિખાઇલે યુવતીને પોતાને ત્યાં બોલાવવા માટે ફ્લાઇટના પૈસા તો આપ્યા હતા, પણ એ પછી તે ઘરે આવતાં જ વધારાના પૈસા આપવાની બાબતમાં ફરી ગયો હતો. ક્રિસ્ટિનાને તેણે બંદી બનાવીને રેપ કર્યો હતો અને બળજબરીથી ઇરૉટિક તસવીરો પડાવી હતી. જોકે મિખાઇલના ત્રીજા માળના ઘરની બારીમાંથી દોરડાની મદદથી નીચે ઊતરીને યુવતીએ પોતાના બચાવરૂપે ભાગવાની કોશિશ કરી હતી. કેટલાક લોકોએ તેને દોરડા પરથી ઊતરતી જોઈ પણ હતી. જોકે દોરડા પરથી પડી જવાથી તેને થાપાના જૉઇન્ટમાં ફ્રૅક્ચર થયું હતું અને આખો કિસ્સો બહાર આવ્યો હતો. પોલીસે મિખાઇલની સામે બળાત્કારનો કેસ દાખલ કર્યો હતો.
