02 January, 2026 09:52 AM IST | Russia | Gujarati Mid-day Correspondent
રશિયાના રાષ્ટ્રપતિ વ્લાદિમીર પુતિન
રશિયાના રાષ્ટ્રપતિ વ્લાદિમીર પુતિનના આવાસ પર યુક્રેને કોઈ હુમલો નથી કર્યો એવી સ્પષ્ટતા પછી રશિયાએ આ વાતનો પુરાવો આપવા માટે નષ્ટ થયેલા યુક્રેનિયન ડ્રોન્સનો વિડિયો જાહેર કરીને કહ્યું હતું કે ‘યુક્રેને રશિયન રાષ્ટ્રપતિ પર હુમલો કરવાની કોશિશ કરી હતી. ૨૮-૨૯ ડિસેમ્બરની રાતે ૯૧ ડ્રોનથી હુમલો થયો છે, પરંતુ રશિયન ઍર ડિફેન્સ સિસ્ટમે તમામ ડ્રોનને હવામાં જ નષ્ટ કરી દીધા હતા.’
રશિયાના રક્ષાખાતાએ તો ત્યાં સુધી દાવો કર્યો હતો કે યુક્રેને કયા વિસ્તારોમાંથી ડ્રોન છોડ્યા છે એ પણ અમને ખબર છે. જોકે યુક્રેને આ આરોપોને રદિયો આપતાં કહ્યું હતું કે ‘આ મનઘડંત વાત છે, રશિયા શાંતિવાર્તાથી બચવા માગતું હોવાથી આ ચાલ રમી રહ્યું છે.’ આ ઘટના ત્યારે બની હતી જ્યારે રશિયા-યુક્રેન વચ્ચેની સમજૂતી બહુ નજીક છે એવો અમેરિકાએ દાવો કર્યો હતો.
અમેરિકાની ખુફિયા એજન્સી સેન્ટ્રલ ઇન્ટેલિજન્સ એજન્સી (CIA)એ રશિયાના દાવાને ખોટો બતાવીને કહ્યું હતું કે ‘અમે યુક્રેનના ડ્રોન-હુમલાનું વિશ્લેષણ કર્યું છે. એમાં જાણવા મળ્યું છે કે યુક્રેને રશિયન રાષ્ટ્રપતિ જેનો ઉપયોગ કરે છે એ આવાસને નિશાન નહોતું બનાવ્યું.’
