24 December, 2025 08:00 AM IST | Sydney | Gujarati Mid-day Correspondent
સાજિદ અકરમ
ઑસ્ટ્રેલિયાના સિડનીમાં બૉન્ડી બીચ પર ગોળીબાર કરીને ૧૫ જણના જીવ લેનારા ૫૦ વર્ષના શૂટર સાજિદ અકરમની અલગ રહેતી પત્નીએ તેના મૃતદેહ સ્વીકારવાનો દાવો કરવાનો ઇનકાર કર્યો છે, જેના કારણે સાજિદની દફનવિધિની જવાબદારી સરકારી અધિકારીઓ પર આવી પડી છે. કોઈ નિકટજન આગળ વધવા તૈયાર ન હોવાથી મામલો સરકાર પર આવી ગયો છે, જેના કારણે દફનવિધિની કાર્યવાહીમાં વધુ વિલંબ થયો છે.
૧૪ ડિસેમ્બરે આતંકવાદી હુમલો કરનારા પિતા-પુત્ર સાજિદ અને નવીદ અકરમ પૈકી સાજિદને પોલીસે ઠાર કર્યો હતો. નવીદ હાલમાં હૉસ્પિટલમાં પોલીસની દેખરેખમાં સારવાર હેઠળ છે. સાજિદ અકરમ ઓછામાં ઓછા છ મહિનાથી બેઘર હતો. તે આ સમયગાળા દરમ્યાન ઍરbnb હેઠળ તાત્પૂરતા રહેઠાણની વ્યવસ્થા કરતો હતો.