04 June, 2026 09:31 AM IST | Washington | Gujarati Mid-day Correspondent
ડોનલ્ડ ટ્રમ્પ
ભારત અને અમેરિકાએ વચગાળાના વેપારકરારના માળખાને પૂર્ણ કરવાની જાહેરાત કરી છે ત્યારે ડોનલ્ડ ટ્રમ્પની સરકાર બીજો ટૅરિફ-બૉમ્બ ફોડવાની કરવાની તૈયારી કરી રહી છે. યુનાઇટેડ સ્ટેટ્સ ટ્રેડ રિપ્રેઝન્ટેટિવ (USTR)એ ભારત અને ૫૯ અન્ય અર્થતંત્રો સામે દસથી ૧૨.૫ ટકા ટૅરિફ લાદવાનો પ્રસ્તાવ મૂક્યો છે કારણ કે આ દેશો બળજબરીથી કરાવવામાં આવતી મજૂરી દ્વારા ઉત્પાદિત માલની આયાત પર પ્રતિબંધ લાદવામાં નિષ્ફળ ગયા છે. કૅનેડા, મેક્સિકો, ઇન્ડોનેશિયા અને યુરોપિયન યુનિયને ૧૦ ટકા વધારાની ટૅરિફનો સામનો કરવો પડશે; જ્યારે ભારત, ચીન, જપાન અને બ્રાઝિલ સહિત અન્ય દેશો પર ૧૨.૫ ટકા વધારાની ટૅરિફ લાદવામાં આવી શકે છે.
જોકે આ નવી ટૅરિફ તાત્કાલિક લાગુ કરવામાં આવશે નહીં. અમલીકરણ પહેલાં જાહેર કમેન્ટ્સ માગવામાં આવશે અને દરખાસ્તની સમીક્ષા કરવામાં આવશે.
