03 May, 2026 09:34 AM IST | Washington | Gujarati Mid-day Correspondent
પ્રતીકાત્મક તસવીર
અમેરિકાની અલ્ટ્રા લો-કૉસ્ટ ઍરલાઇન્સ સ્પિરિટ ઍરલાઇન્સે એનો કારોબાર તાત્કાલિક ધોરણે સંકેલી લીધો છે. ઍરલાઇન્સે તત્કાળ અસરથી તમામ ઑપરેશન્સ બંધ થવાની જાહેરાત કરી હતી. કંપનીએ તમામ ફ્લાઇટ્સ રદ કરવા ઉપરાંત કસ્ટમર સર્વિસ પણ બંધ કરી દીધી છે. મુસાફરોને કૅન્સલ થયેલી ફ્લાઇટ્સનું રીફન્ડ આપવામાં આવશે, પરંતુ વૈકલ્પિક ફ્લાઇટની કોઈ સુવિધા નહીં કરી અપાય. ૩૪ વર્ષથી ચાલતી આ ઍરલાઇન્સ વધી રહેલા ફ્યુઅલનો માર ઝીલી નથી શકી.
ઈરાન સાથેના યુદ્ધને કારણે અમેરિકાની આ ઍરલાઇન્સનું દેવાળું નીકળી ગયું છે અને ૧૭,૦૦૦ કર્મચારીઓની નોકરી જતી રહી છે. હોર્મુઝ બંધ હોવાથી ફ્યુઅલ ખૂબ મોંઘું થઈ ગયું છે અને વધી રહેલા ભાવને કારણે એવિએશન સેક્ટર પર એની ઘાતક અસરો દેખાવાની શરૂ થઈ ગઈ છે.
