મુંબઈના NMACCમાં PM મોદીના કાર્યક્રમ પહેલાં પોલીસે બે શંકાસ્પદને અટકાયતમાં લીધા. એક પાસેથી બંદૂક મળી, જ્યારે બીજાએ પોતાને PMO અધિકારી ગણાવ્યો.
ફાઇલ તસવીર
વડાપ્રધાન નરેન્દ્ર મોદીના મુંબઈમાં યોજાનારા કાર્યક્રમ પહેલાં બાંદ્રા-કુર્લા કૉમ્પ્લેક્સ (BKC)માંથી બે શંકાસ્પદ વ્યક્તિને પોલીસે અટકાયતમાં લીધી છે. તેમાંથી એક વ્યક્તિ પાસેથી બંદૂક મળી આવી હોવાનું મુંબઈ પોલીસે જણાવ્યું છે.
આ ઘટના નીતા મુકેશ અંબાણી કલ્ચરલ સેન્ટર (NMACC) ખાતે બની હતી, જ્યાં વડાપ્રધાનનો કાર્યક્રમ યોજાવાનો હતો. અટકાયતમાં લેવાયેલી એક વ્યક્તિ પોતાને વડાપ્રધાન કાર્યાલય (PMO)નો અધિકારી ગણાવી રહી હતી. જોકે, તે ખરેખર PMO સાથે સંકળાયેલી છે કે નહીં એની સત્તાવાર પુષ્ટિ થઈ નથી.
પોલીસ બંદૂકના લાઇસન્સ અને બંને વ્યક્તિ ત્યાં શા માટે પહોંચ્યા હતા એની તપાસ કરી રહી છે. હાલ બંનેની પૂછપરછ ચાલુ છે. આ ઘટનાને વડાપ્રધાનની સુરક્ષામાં ચૂક કહી શકાય કે કેમ એ અંગે પણ પોલીસ તપાસ બાદ સ્થિતિ સ્પષ્ટ થશે.
