મુંબઈ પોલીસે મુંબઈગરાઓ સામે કેમ વ્યક્ત કરી દિલગીરી? અને કહ્યું “અમે શ્રેષ્ઠ પ્રયાસ કર્યો...”

મરાઠા અનામતની માગણી સાથે ચાલી રહેલ વિરોધ શુક્રવારે વધુ તીવ્ર બન્યો કારણ કે હજારો આંદોલનકારીઓ આઝાદ મેદાન ખાતે એકઠા થયા હતા. રાજ્યના વિવિધ ભાગોમાંથી આવેલા વિરોધીઓ વિરોધ સ્થળ તરફ જતા રસ્તાઓ પર ભીડ જમા કરી દીધી હતી.

આઝાદ મેદાન પાસે ફૂટપાથ પર રસોઈ બનાવતા મરાઠા આરક્ષણ કાર્યકરો (તસવીર: અતુલ કાંબળે)

મુંબઈના છત્રપતિ શિવાજી મહારાજ ટર્મિનસ અને તેના આસપાસના વિસ્તારોમાં મરાઠા આરક્ષણની માગણી સાથે હજારો લોકો આંદોલન કરવા માટે આવ્યા છે. આ દરમિયાન શુક્રવારે સાંજે મુંબઈ પોલીસે મુંબઈવાગરાઓને થયેલી અસુવિધા બદલ દિલગીરી વ્યક્ત કરી હતી. ચાલુ આંદોલન માટે મરાઠા આરક્ષણ કાર્યકરો અને બીજા વિસ્તારોમાંથી આવેલા વાહનોને કારણે દક્ષિણ મુંબઈ તરફના મુંબઈના પ્રવાસ પર અસર પડી હતી.

X પર મુંબઈ પોલીસે પોસ્ટ કરી હતી, "ચાલુ આંદોલન માટે બહારના વિસ્તારોમાંથી મોટી સંખ્યામાં લોકો અને વાહનોના પ્રવેશને કારણે દક્ષિણ મુંબઈ તરફના તેમના પ્રવાસ પર અસર પડી હતી, તેથી મુંબઈવાસીઓને થયેલી અસુવિધા બદલ અમે દિલગીર છીએ. અમે અસુવિધા ઓછી કરવાનો શ્રેષ્ઠ પ્રયાસ કર્યો." મુંબઈ પોલીસની આ પોસ્ટ મુંબઈવાસીઓ દ્વારા શહેર પોલીસ દ્વારા હજારો ઑફિસ જનારાઓને અસર કરતા વિરોધ પ્રદર્શનનું ખરાબ સંચાલન કરવા અને નાગરિકોને અગાઉથી જાણ ન કરવા બદલ ટીકા કર્યા પછી આવી છે.

મરાઠા અનામતની માગણી સાથે ચાલી રહેલ વિરોધ શુક્રવારે વધુ તીવ્ર બન્યો કારણ કે હજારો આંદોલનકારીઓ આઝાદ મેદાન ખાતે એકઠા થયા હતા. રાજ્યના વિવિધ ભાગોમાંથી આવેલા વિરોધીઓ વિરોધ સ્થળ તરફ જતા રસ્તાઓ પર ભીડ જમા કરી દીધી હતી, જેના કારણે મુંબઈ ફ્રીવે પર ભારે ટ્રાફિક જામ થયો હતો. આગળના માર્ગો અવરોધિત હોવાથી, હતાશ વાહનચાલકોને તેમના વાહનો છોડી દેવાની ફરજ પડી હતી, જેના કારણે મુખ્ય માર્ગ પર ટ્રાફિક સંપૂર્ણપણે ઠપ થઈ ગયો હતો.

મનોજ જરાંગે પાટીલના નેતૃત્વમાં આ પ્રદર્શનમાં હજારો મરાઠા ક્રાંતિ મોરચાના કાર્યકરો સાયન-પનવેલ હાઇવે, પાંજરાપોળ રોડ અને અટલ સેતુ થઈને આઝાદ મેદાન તરફ આગળ વધી રહ્યા છે. ટ્રાફિક પોલીસે ટ્રાફિક વ્યવસ્થાપનના સુધારેલા પગલાં અગાઉથી લાગુ કર્યા હોવા છતાં, વિરોધ પ્રદર્શનકારી અને વાહનોની મોટી સંખ્યાને કારણે સમગ્ર શહેરમાં ટ્રાફિક જામ થઈ ગયો છે.

જ્યારે અધિકારીઓએ આઝાદ મેદાન તરફના તેમના આયોજિત ફ્રીવે રૂટના કેટલાક ભાગોને અવરોધિત કર્યા, ત્યારે હજારો હતાશ પ્રદર્શનકારીઓએ રસ્તા પર નાકાબંધી કરી, સીધા કેરેજવે પર બેસી ગયા. આ અભિગમથી તમામ વાહનોનો ટ્રાફિક સંપૂર્ણપણે બંધ થઈ ગયો, જેના કારણે નિયમિત મુસાફરો ફસાઈ ગયા હતા.

"પોલીસે અમને અહીં રીડાયરેક્ટ કરીને છેતર્યા અને પછી રસ્તો સીલ કરી દીધો," એક ઉશ્કેરાયેલા પ્રદર્શનકારીએ ફરિયાદ કરી. ફસાયેલા વાહનચાલકો સાથે વાત કરતા, બીજા એક કાર્યકર્તાએ જાહેર કર્યું: "અમારા હકો સુરક્ષિત કરવા માટે અમે અમારા પરિવારોને ચાર દિવસ માટે ત્યજી દીધા છે. તમે ફક્ત એક કામ કરવાનો દિવસ ગુમાવો છો તેમાં શું નુકસાન છે?" તે જ સમયે, મુસાફરોએ આ બધા બધી બાબતો પર ગુસ્સો વ્યક્ત કર્યો. ભીડમાં ફસાયેલા લોકોમાં મીના દેસાઈએ જણાવ્યું, "અધિકારીઓએ અમને રૅલીને ઇડહે રસ્તા બંધ થવા વિશે અગાઉથી સૂચના આપવી જોઈતી હતી."