ભાજપ નેતાની દીકરીએ જ નવા શિક્ષણ પ્રધાનની મજાક ઉડાવી કહ્યું “આ સૌથી ખરાબ મજાક”

તેણે આંદોલન દરમિયાન વિદ્યાર્થીઓને ટેકો આપ્યો હતો અને વારંવાર સરકારની ટીકા કરી હતી. હવે, યશસ્વિની રાજે સિંહે નવા કેન્દ્રીય શિક્ષણ પ્રધાન પ્રહલાદ જોશીની નિમણૂક અંગે પ્રશ્નો ઉઠાવ્યા છે. તેના નિવેદનથી આ અંગે ફરી ચર્ચા ફરી શરૂ થઈ છે.

નવા કેન્દ્રીય શિક્ષણ પ્રધાન પ્રહલાદ જોશી અને યશસ્વિની રાજે સિંહ

NEET પેપર લીક મુદ્દે દિલ્હીના જંતર-મંતર પર વિદ્યાર્થીઓના વિરોધ પ્રદર્શનને ઘણા લોકોએ ખુલ્લેઆમ ટેકો આપ્યો હતો. કન્ટેન્ટ ક્રિએટર યશસ્વિની રાજે સિંહ તેમાં એક અગ્રણી વ્યક્તિ તરીકે ઉભરી આવી છે; તેણે આંદોલન દરમિયાન વિદ્યાર્થીઓને ટેકો આપ્યો હતો અને વારંવાર સરકારની ટીકા કરી હતી. હવે, યશસ્વિની રાજે સિંહે નવા કેન્દ્રીય શિક્ષણ પ્રધાન પ્રહલાદ જોશીની નિમણૂક અંગે પ્રશ્નો ઉઠાવ્યા છે. તેના નિવેદનથી આ અંગે ફરી ચર્ચા ફરી શરૂ થઈ છે.

અલ જઝીરા સાથેની મુલાકાતમાં કરી ટિપ્પણી

યશસ્વિની રાજે સિંહ ઉત્તર પ્રદેશના ભૂતપૂર્વ ધારાસભ્ય અને ભારતીય જનતા પાર્ટી (ભાજપ) નેતા વિક્રમ સિંહની પુત્રી છે. તેણે જંતર-મંતર પર થયેલા વિરોધ પ્રદર્શનમાં પણ ભાગ લીધો હતો. અલ જઝીરા સાથેની મુલાકાતમાં, નવા કેન્દ્રીય શિક્ષણ પ્રધાન પ્રહલાદ જોશીની નિમણૂક પર પ્રતિક્રિયા આપતા, તેણે ટિપ્પણી કરી, ‘આ સૌથી ખરાબ મજાક છે.’ ઇન્ટરવ્યૂ દરમિયાન, તેણે શિક્ષણ મંત્રાલય અને સરકાર સંબંધિત ઘણા પ્રશ્નો પણ ઉઠાવ્યા. પરિવાર ભાજપ સાથે જોડાયેલ હોવા છતાં તેનું કહેવું છે કે તે કેન્દ્ર સરકાર વિરુદ્ધ વલણ અપનાવે છે. તેણે કહ્યું, "હું ઘરે રહેતી નથી; હું છેલ્લા સાડા ત્રણ વર્ષથી સ્વતંત્ર રીતે રહી રહી છું. હું મારા પિતા સાથે રાજકીય મુદ્દાઓ પર ચર્ચા કરવાનું સંપૂર્ણપણે ટાળું છું. મેં કૌટુંબિક રાજકારણ અને મારી વ્યક્તિગત વિચારધારા વચ્ચે સ્પષ્ટ તફાવત જાળવી રાખ્યો છે; તેથી જ હું દબાણને વશ થયા વિના કે દંભમાં સામેલ થયા વિના, મારા વિચારો ખુલ્લેઆમ વ્યક્ત કરી શકું છું."

20 જૂનથી વિરોધ પ્રદર્શન શરૂ થયા

NEET પેપર લીક મુદ્દે વિદ્યાર્થીઓનો વિરોધ 20 જૂનથી જંતર-મંતર ખાતે શરૂ થયો હતો. આ આંદોલન 35 દિવસ સુધી ચાલુ રહ્યું. આ સમયગાળા દરમિયાન, વિદ્યાર્થીઓએ માત્ર દિલ્હીમાં જ નહીં પરંતુ દેશના વિવિધ ભાગોમાં પણ તત્કાલીન કેન્દ્રીય શિક્ષણ પ્રધાન ધર્મેન્દ્ર પ્રધાનના રાજીનામાની માગણી સાથે વિરોધ પ્રદર્શનો કર્યા. ધર્મેન્દ્ર પ્રધાનના રાજીનામા બાદ આખરે વિરોધ પ્રદર્શનનો અંત આવ્યો. જોકે, વિદ્યાર્થીઓ સામે નોંધાયેલા કેસ પાછા ખેંચવાની માંગણીને લઈને સરકાર અને `કોકરોચ જનતા પાર્ટી` વચ્ચે વિવાદ ચાલુ રહ્યો.

અભિજીત દિપકેએ ગંભીર આરોપો લગાવ્યા

`કૉકરોચ જનતા પાર્ટી`ના સ્થાપક અભિજીત દિપકેએ પણ ભારતીય જનતા પાર્ટી પર ગંભીર આરોપો લગાવ્યા. તેણે કહ્યું, "મારા માતા-પિતાને ધમકીઓ મળી રહી છે. મને ભારતીય જનતા પાર્ટીમાં જોડાવાની તક પણ આપવામાં આવી હતી." ધર્મેન્દ્ર પ્રધાનના રાજીનામા બાદ `કૉકરોચ જનતા પાર્ટી`એ વધુ ધ્યાન ખેંચ્યું. તાજેતરમાં રચાયેલી આ પાર્ટીએ વિદ્યાર્થીઓના વિરોધ પ્રદર્શનોનું નેતૃત્વ કર્યું અને શિક્ષણ પ્રધાનના રાજીનામાની માંગણી માટે સતત પ્રદર્શનો કર્યા.

પ્રહલાદ જોશીને શિક્ષણ મંત્રાલય સોંપાયું

ધર્મેન્દ્ર પ્રધાનના રાજીનામા બાદ, કેન્દ્રીય શિક્ષણ મંત્રાલયની જવાબદારી પ્રહલાદ જોશીને સોંપવામાં આવી હતી. યશસ્વિની રાજે સિંહે પદ સંભાળ્યા પછી આપેલા એક નિવેદને આ મુદ્દો ફરીથી ચર્ચામાં લાવ્યો છે. આ દરમિયાન, જંતર-મંતર વિરોધ, નવા શિક્ષણ પ્રધાનની નિમણૂક અને વિદ્યાર્થીઓને લગતા મુદ્દાઓ અંગે રાજકીય ટીકા ચાલુ છે.