ઝાડુ વડે તૈયાર થાય છે આ દેશની ફેમસ ‘બરુન રોટી’, વાયરલ વીડિયો જોઈ તમે ચોંકી જશો

વાયરલ વીડિયોમાં બરુન રોટી બનાવવાની આખી પ્રક્રિયા દર્શાવવામાં આવી છે. તેને જોયા પછી, ઘણા લોકો વિચારી રહ્યા છે કે ઝાડુનો ઉપયોગ કરીને રોટલી કેવી રીતે બનાવી શકાય. આ વીડિયો સોશિયલ મીડિયા પ્લેટફોર્મ પર વીડિયોને ખૂબ જ શૅર કરવામાં આવી રહ્યો છે.

વાયરલ વીડિયોમાંથી સ્ક્રીન શૉટ (તસવીર: સોશિયલ મીડિયા)

સામાન્ય રીતે રોટલી બનાવવા માટે રોલિંગ બોર્ડ, રોલિંગ પિન અથવા તવા વપરાતા જોયા હશે, પરંતુ હાલમાં સોશિયલ મીડિયા પર એક વાયરલ થઈ રહેલા વીડિયોએ બધાનું ધ્યાન ખેંચ્યું છે. આ વીડિયોમાં બાંગ્લાદેશની પરંપરાગત ફ્લૅટબ્રૅડ `બરુન રોટી` બનાવવાની રીત બતાવવામાં આવી છે. આ રોટલીની ખાસ બાબત ફક્ત તેનો સ્વાદ જ નહીં, પરંતુ તેને બનાવવા માટે વપરાતી અનોખી પદ્ધતિ છે; રોટલીને આકાર આપવા માટે ઝાડુનો ઉપયોગ કરવામાં આવે છે, જે બાબતે ઘણા લોકોને આશ્ચર્યચકિત કરી દીધા છે.

સોશિયલ મીડિયા પર વીડિયો વાયરલ થયો

વાયરલ વીડિયોમાં બરુન રોટી બનાવવાની આખી પ્રક્રિયા દર્શાવવામાં આવી છે. તેને જોયા પછી, ઘણા લોકો વિચારી રહ્યા છે કે ઝાડુનો ઉપયોગ કરીને રોટલી કેવી રીતે બનાવી શકાય. આ વીડિયો સોશિયલ મીડિયા પ્લેટફોર્મ પર વીડિયોને ઝડપથી શૅર કરવામાં આવી રહી છે.

બરુન રોટીને ખાસ શું બનાવે છે?

બરુન રોટીને બાંગ્લાદેશમાં પરંપરાગત સ્ટ્રીટ ફૂડ માનવામાં આવે છે. તે દેખાવમાં એકદમ હળવી અને પાતળી છે, તેની રચના અને સ્વાદ સામાન્ય રોટલીથી અલગ છે. જેમ જેમ તે તવા પર તૈયાર થાય છે, તેમ તેમ તે ધીમે ધીમે ફુગ્ગા જેવી ફૂલી જાય છે. તેની આ જુદી રીત જ તેને અન્ય પ્રકારની રોટલીથી અલગ પાડે છે.

ઝાડુનો ઉપયોગ કરીને રોટલી બને છે

બરુણ રોટલી બનાવવા માટે, લોટને પહેલા લાંબા સમય સુધી સારી રીતે મિક્સ આવે છે. તે તૈયાર થાય પછી તેને ખૂબ જ પાતળી રીતે ફેલાવવામાં આવે છે. આગળ, ઝાડુનો ઉપયોગ કરીને તેને તોડયા વિના મોટા, એકદમ પાતળા સ્વરૂપમાં આકાર આપવામાં આવે છે. પછી, રોટલી તવા પર થોડું ઘી અથવા તેલ નાખીને રાંધવામાં આવે છે, બન્ને તરફ બ્રાઉન કરવામાં આવે છે. ગરમ તવા પર પડતાની સાથે જ તે ફૂલવા લાગે છે, જે થોડીક સેકંડમાં ફુગ્ગા જેવી લાગે છે. આ ચોક્કસ ક્ષણે સોશિયલ મીડિયા પર દર્શકોને મોહિત કર્યા છે.

જુદો સ્વાદ અને પીરસવાની સ્ટાઈલ

બરુણ રોટલી માત્ર તેની અનોખી તૈયારી પદ્ધતિ માટે જ નહીં પરંતુ તેની વિશિષ્ટ રચના અને સ્વાદ માટે પણ પ્રશંસા કરવામાં આવે છે. આ ફ્લૅટબ્રૅડ ઢાકા અને ચિત્તાગોંગ જેવા બાંગ્લાદેશી શહેરોમાં અસંખ્ય સ્ટ્રીટ ફૂડ સ્ટૉલ પર સરળતાથી મળી જાય છે. સ્થાનિક લોકો તેને ચિકન કરી, મટન ગ્રૅવી અથવા દાળ સાથે ખાવાનો આનંદ માણે છે. જોકે, કેટલીક જગ્યાએ તેને મીઠા દૂધ અથવા રબડી સાથે પણ ખાવાનું પસંદ કરે છે, જે એક અનોખો સ્વાદ અનુભવ આપે છે. સોશિયલ મીડિયા પર વાયરલ થયેલા એક વીડિયો બાદ, આ પરંપરાગત બાંગ્લાદેશી બરુન રોટી અને તેને તૈયાર કરવા માટે વપરાતી અનોખી પદ્ધતિ લોકોમાં ચર્ચાનો વિષય બની ગઈ છે.