રોઈ-રોઈને આંસુ ભરેલી બૉટલો વેચીને બહેન કમાય છે લાખો રૂપિયા

આ આંસુ પાડીને અત્યાર સુધીમાં તેણે ૧૦૦થી વધુ બૉટલો વેચી છે. મતલબ કે લગભગ બાવન લાખ રૂપિયા અત્યાર સુધીમાં કમાઈ ચૂકી છે. તેનું કહેવું છે કે ક્રિસમસ કે ન્યુ યરના સેલિબ્રેશન માટેનું ભંડોળ પણ તેણે આંસુ વેચીને જ એકઠું કર્યું છે.

લિઝ રિવર

છોકરીઓ રોતલ જ હોય છે એ આપણી સામાજિક માન્યતા છે. જોકે અમેરિકાના મિડવેસ્ટમાં રહેતી ૪૪ વર્ષની લિઝ રિવર નામની મહિલાને જરાય રડવું ગમતું નથી. એમ છતાં તે ખુશ રહેવા અને પૈસા કમાવા માટે રડે છે અને લિટરલી બૉટલો ભરીને આંસુ સારે છે. આ આંસુએ જ તેને લાખો રૂપિયા કમાવી આપ્યા છે. લિઝબહેનને જીવનમાં કોઈ જ ગમ નથી, પરંતુ જ્યારે પણ તે નવરી પડે છે ત્યારે રોવા બેસી જાય છે. રોતાં-રોતાં આંખમાંથી પડેલા એક-એક આંસુના ટીપાને તે બૉટલમાં ભરી લે છે. તેનો દાવો છે કે આ આંસુ ભરેલી બૉટલ તે ૫૦૦ પાઉન્ડ એટલે કે લગભગ ૫૨,૦૦૦ રૂપિયામાં વેચે છે. રડવું એ લિઝનું કામ બની ગયું છે. જ્યારે પણ તેને લાગે કે તેને ખૂબ પૈસાની જરૂર છે ત્યારે તે રોવાના કામમાં પણ ઓવરટાઇમ કરી લે છે. તે મજબૂરીથી નહીં, પણ વર્ક મોડમાં હોય ત્યારે રડે છે. આ આંસુ પાડીને અત્યાર સુધીમાં તેણે ૧૦૦થી વધુ બૉટલો વેચી છે. મતલબ કે લગભગ બાવન લાખ રૂપિયા અત્યાર સુધીમાં કમાઈ ચૂકી છે. તેનું કહેવું છે કે ક્રિસમસ કે ન્યુ યરના સેલિબ્રેશન માટેનું ભંડોળ પણ તેણે આંસુ વેચીને જ એકઠું કર્યું છે.