20 October, 2026 07:09 PM IST | International | Gujarati Mid-day Correspondent
પિતાએ પહેરી કાગળની ટાઇ
સોશ્યલ મીડિયા પર એક પિતાએ દીકરીનાં લગ્નમાં પોતે પહેરેલી ટાઇનો ફોટો શૅર કરીને એક સ્ટોરી શૅર કરી હતી જે અનેક લોકોને ભાવુક કરી દે એવી છે. પિતાના કહેવા મુજબ તેમણે પાંચ વર્ષની ઉંમરે દીકરીએ બનાવેલી કાગળની ટાઇ પહેરી છે. દીકરી હવે ૨૯ વર્ષની છે અને તેનાં લગ્ન થઈ રહ્યાં છે ત્યારે પિતાએ એ કાગળની જૂની, પેનથી લિટાડા કરીને સજાવેલી ટાઇ પહેરી છે. જ્યારે પિતા આ ટાઇ સાથે દીકરીને મળવા ગયા ત્યારે એ જોઈને દીકરી પણ ભાવુક થઈ ગઈ હતી.
