વર્કઆઉટ કરતી વખતે પડી, પણ પડી સીધી પ્રેમમાં...

હવે આ વિડિયો જોયા પછી નેટિઝન્સને થઈ ઉત્સુકતા. ભઈ, બન્ને વચ્ચે કુછ કુછ હુઆ કે પછી રાત ગઈ બાત ગઈ. નેટિઝન્સે વાત કેટલી આગળ વધી એ જાણવાની કોશિશ કરી હતી. 

વર્કઆઉટ કરતી વખતે પડી, પણ પડી સીધી પ્રેમમાં...

એશ્લી નામની એક યુવતીએ ટિકટૉક અને ઇન્સ્ટાગ્રામ-પેજ પર એક વિડિયો શૅર કર્યો છે, જેમાં તે રજાના દિવસે જિમમાં વર્કઆઉટ કરતી વખતે હાથમાં વજન ઊંચકતાં જ અચાનક પડી જાય છે. એ જ સમયે એક વ્યક્તિએ તેને બચાવી લીધી જેથી એશ્લી ફરીથી પોતાનું વર્કઆઉટ કરવા માંડે છે. હવે આ વિડિયો જોયા પછી નેટિઝન્સને થઈ ઉત્સુકતા. ભઈ, બન્ને વચ્ચે કુછ કુછ હુઆ કે પછી રાત ગઈ બાત ગઈ. નેટિઝન્સે વાત કેટલી આગળ વધી એ જાણવાની કોશિશ કરી હતી. 
એશ્લીએ વિડિયોની કૅપ્શનમાં લખ્યું હતું કે પોતે ઘણી શરમજનક પરિસ્થિતિમાં મુકાઈ ગઈ હતી. એશ્લીના ટિકટૉક-પેજ પર નેટિઝન્સે આગળની વાત જાણવાની ઇચ્છા વ્યક્ત કરતાં તેણે વધુ એક ફોટો શૅર કર્યો હતો, જેમાં બન્ને એકમેકની કંપનીમાં આનંદ માણી રહ્યાં હોય છે. સમજ્યા કાંઈ? એશ્લી એ માણસના પ્રેમમાં પડી અને બન્નેએ ડેટિંગ પણ શરૂ કરી દીધું.  
એશ્લીએ પોતાને બચાવનાર યુવકનું નામ પ્રેસ્ટન પેલફ્રે હોવાનું જણાવ્યું હતું. જોકે કેટલાકે આ ફોટોની સરાહના કરી હતી, તો વળી કેટલાકે આને ઑનલાઇન વ્યુઝ મેળવવાના હેતુથી આ બધું સેટિંગ કરાયું હોવાની પણ કમેન્ટ કરી હતી.