નાની ઉંમરે મિલ્યનેર થઈ ગઈ, પણ મમ્મી-પપ્પા આજે પણ તેની પાસે વાસણ સાફ કરાવે છે

૬ વર્ષની ઉંમરે લાખોપતિ બની ગયેલી ટીનેજર આવું કહે છે

ઇઝાબેલા બૅરેટ

અમેરિકાના કિડ્ઝ રિયલિટી શોમાં ૬ વર્ષની ઉંમરે વિજેતા બનેલી ઇઝાબેલા બૅરેટ આજે ૧૭ વર્ષની છે અને તે હજી પણ ઇન્ફ્લુએન્સર તરીકે લોકપ્રિય છે. રિયલિટી શો જીત્યા બાદ લાખોપતિ બની ગયેલી ઇઝાબેલા વર્ષોથી પોતાને સેલ્ફ-મેડ મિલ્યનેર કહેતી આવી છે. ઇઝાબેલા આજે તેની વેબસાઇટ દ્વારા મહિને ૮ લાખ રૂપિયા કમાય છે. જોકે તેનું કહેવું છે કે ભલે હું મિલ્યનેર હોઉં, પણ મારાં માતા-પિતા મને એક સામાન્ય બાળકની જેમ જ ટ્રીટ કરે છે.

ઘણાને એ જાણીને નવાઈ લાગશે કે આ ટીનેજર તેના ઘરમાં વાસણ માંજે છે અને ઘરનાં રોજિંદાં કામ પણ કરે છે. નાની ઉંમરે પૈસો અને પૉપ્યુલરિટી મળ્યા બાદ પણ ઇઝાબેલા નૉર્મલ ટીનેજર તરીકે રહેવા માગે છે. તેનું કહેવું છે કે મારે મિત્રો બનાવવામાં બહુ ધ્યાન રાખવું પડે છે, કેમ કે મોટા ભાગના લોકોનો હેતુ ફ્રેન્ડશિપને બદલે બીજો જ હોય છે.