દિવાળીનો પ્રસાદ ન મળ્યો તો વિદ્યાર્થીઓએ બનાવી દીધી લડ્ડુ જનતા પાર્ટી

વિદ્યાર્થીઓએ સોશ્યલ મીડિયા પર ‘લડ્ડુ જનતા પાર્ટી’નું અકાઉન્ટ બનાવીને જાતજાતની પોસ્ટ મૂકવાની શરૂ કરી દીધી હતી. કોચિંગ ક્લાસવાળાએ આખરે ગુરુવારે સાંજે વિદ્યાર્થીઓને લાડુ વહેંવાનું શરૂ કરી દીધું હતું.

લાડુ માટે લડાઈ

રાજસ્થાનના કોટામાં દિવાળી પર લાડુ ન મળતાં કોચિંગ ક્લાસના વિદ્યાર્થીઓએ મીઠાઈ મેળવવા માટે પોતાની અલગ પાર્ટી બનાવીને પ્રદર્શન કર્યું હતું. તેમણે ઇન્સ્ટાગ્રામ પેજ બનાવીને રીતસરનું કૅમ્પેઇન પણ શરૂ કર્યું હતું. એટલું જ નહીં, બે દિવસ સુધી અલગ-અલગ બ્રાન્ચની બહાર નારાબાજી પણ કરી. આ વિદ્યાર્થીઓનું કહેવું હતું કે દર વર્ષે કોચિંગ ક્લાસમાંથી દિવાળીની રજાઓના ૩-૪ દિવસ પહેલાં તેમને લાડુ મળી જતા હતા. આ વખતે પાંચ નવેમ્બરથી રજાઓ શરૂ થઈ હતી, પરંતુ તેમને લાડુ મળ્યા નહોતા. વિદ્યાર્થીઓએ સોશ્યલ મીડિયા પર ‘લડ્ડુ જનતા પાર્ટી’નું અકાઉન્ટ બનાવીને જાતજાતની પોસ્ટ મૂકવાની શરૂ કરી દીધી હતી. કોચિંગ ક્લાસવાળાએ આખરે ગુરુવારે સાંજે વિદ્યાર્થીઓને લાડુ વહેંવાનું શરૂ કરી દીધું હતું. ક્લાસવાળાઓનું કહેવું હતું કે આ વખતે અચાનક મીઠાઈની ડિમાન્ડ વધી ગઈ હોવાથી હલવાઈએ સમયસર લાડુ ન ડિલિવર કર્યા હોવાથી મોડું થયું હતું.