16 August, 2026 04:31 PM IST | Kohima | Gujarati Mid-day Correspondent
આ ભાઈનું KYC કરવા હાથેથી આંખો પહોળી કરીને કીકી સ્કૅન કરવી પડી
KYC એટલે કે નો યૉર કસ્ટમર માટેની પ્રક્રિયા દરમ્યાન દરેક વ્યક્તિની આંખોની કીકીનું સ્કૅનિંગ કરવું પડે છે. જોકે નાગાલૅન્ડમાં એક ભાઈની આંખો કેમેય સ્કૅન જ નહોતી થઈ રહી. ખૂબ મહેનત કર્યા પછી પણ ઓળખ માટે આંખોનું સ્કૅનિંગ ન થઈ શક્યું એટલે આસપાસના લોકોએ હાથેથી આ ભાઈની પાંપણો ખેંચીને આંખો પહોળી કરી હતી.
નૉર્થઈસ્ટના લોકોની આંખો ઝીણી હોય છે, પરંતુ આ ભાઈની આંખો તો એટલી ઝીણી હતી કે કૅમેરા સામે આંખો પૂરી ખોલવા માટે પણ બે માણસોએ ભ્રમર અને ગાલને ખેંચીને તંગ કરવા પડ્યા હતા. એ પછી પણ ન થતાં કૅમેરામાં સ્કૅનિંગ કરી રહેલા વ્યક્તિએ પણ આંખોને પહોળી કરવામાં મદદ કરી. ખાસ્સી મથામણ પછી સ્કૅનિંગ શક્ય બન્યું હતું. નાગાલૅન્ડના એક પ્રધાને આ વિડિયો સોશ્યલ મીડિયામાં શૅર કરીને લખ્યું હતું, ખરેખર આ મુશ્કેલી બહુ મોટી છે.
