સાઉથ કોરિયામાં સૈનિકોને રૅમ્પ પર લટકમટક ચાલવાની ટ્રેઇનિંગ અપાઈ

જનતાની ભારે ટીકા પછી આખરે સાઉથ કોરિયન સેનાના પ્રવક્તાએ સ્પષ્ટતા કરવી પડી કે ‘અમે સૈનિકોને મૉડલ બનાવવા નથી માગતા, પરંતુ આ તો માત્ર તેમની ચાલ કૉન્ફિડન્ટ બને અને બૉડી પૉશ્ચર સુધરે એ માટે ખાસ કાર્યક્રમ રાખવામાં આવ્યો હતો.

સાઉથ કોરિયામાં સૈનિકોને કૅટવૉક

મૉડલ બનવું હોય તો કૅટવૉક કરતાં શીખવું જરૂરી છે, પણ સાઉથ કોરિયામાં સૈનિક બનવું હોય તોય કૅટવૉક કરતાં શીખવું પડે છે. તાજેતરમાં સાઉથ કોરિયાના સ્પેશ્યલ ફોર્સના જવાનોને રૅમ્પ પર કેવી રીતે ચાલવું એની તાલીમ અપાઈ હતી. આ માટે ફૅશનેબલ મૉડલ્સને ટ્રેઇનિંગ માટે બોલાવવામાં આવી હતી. મૉડલ્સે હાઈ હીલ્સ પહેરીને જવાનોને રૅમ્પ પર ચાલતાં શીખવ્યું હતું. સ્પેશ્યલ ફોર્સ માટે ‘કે-વૉકિંગ પર્ફોર્મન્સ મિલિટરી ફેસ્ટિવલ’ યોજાયો હતો એમાં આ ટ્રેઇનિંગ અપાઈ રહી હોય એવો વિડિયો સોશ્યલ મીડિયા પર વાઇરલ થયો હતો. સ્વાભાવિક છે કે લોકોને નવાઈ લાગે કે આવું કેમ? સરહદ પર લડવા માટે કૅટવૉકની જરૂર કેમ? કેટલાક પત્રકારો દ્વારા પણ આ જ સવાલ ઊભો કરતાં જનતા ટીકા કરવા લાગી. જનતાની ભારે ટીકા પછી આખરે સાઉથ કોરિયન સેનાના પ્રવક્તાએ સ્પષ્ટતા કરવી પડી કે ‘અમે સૈનિકોને મૉડલ બનાવવા નથી માગતા, પરંતુ આ તો માત્ર તેમની ચાલ કૉન્ફિડન્ટ બને અને બૉડી પૉશ્ચર સુધરે એ માટે ખાસ કાર્યક્રમ રાખવામાં આવ્યો હતો. કૅટવૉક કરતાં આવડવું એ સૈન્યમાં જોડાવાની કોઈ અનિવાર્યતા નથી.’