25 July, 2026 11:24 AM IST | South Korea | Gujarati Mid-day Correspondent
પ્રતીકાત્મક તસવીર
સાઉથ કોરિયામાં પાળતુ ડૉગ્સ માટે એક નવો ટ્રેન્ડ શરૂ થયો છે. અહીંના લોકો માને છે કે પ્રાણીઓ પણ કંઈક વિચારતા તો હોય જ છે, પણ એ કમ્યુનિકેટ નથી કરી શકતા. પાળેલા ડૉગ્સની લાગણી અને બિહેવિયરને સમજવા માટે પાટનગર સોલમાં પેટ ટૅરો રીડિંગ કરવામાં આવે છે. આ માટે ખાસ પેટ પેરન્ટ્સ ટૅરો રીડિંગ એક્સપર્ટ્સને કન્સલ્ટ કરે છે. એમાં પેટ્સની સામે ટૅરો કાર્ડ્સ ફેલાવીને મૂકવામાં આવે છે. એ પછી પેટ વિશે શું જાણવું છે એવો સવાલ એના પેરન્ટને પૂછવામાં આવે છે. ટૅરો-રીડર એ સવાલ રિપીટ કરીને પેટને એમાંથી કોઈ એક કે બે કાર્ડ્સ ઉઠાવવા કહે છે. ડૉગી જે કાર્ડ પકડે એના આધારે રીડર એના મનમાં શું છે એનું ઇન્ટરપ્રિટેશન કહે છે.
આ પદ્ધતિ એટલી વાઇરલ થઈ છે કે હવે ડૉગ્સનું મન સમજવા માટે ટૅરો રીડિંગ પાછળ પેટ પેરન્ટ્સ ધૂમ પૈસા ખર્ચે છે.
