હાથના પંજાની પાછળના ભાગ પર સૌથી વધુ ઈંડાં બૅલૅન્સ કરવાનો રેકૉર્ડ

અહીં ઇરાકના ઇબ્રાહિમ સાદેક નામના એક યુવકે હાથની પાછળના હિસ્સા પર ઈંડાં બૅલૅન્સ કરવાની કોશિશ કરીને એકસાથે ૧૮ ઈંડાં બૅલૅન્સ કર્યાં હતાં.

હાથના પંજાની પાછળના ભાગ પર સૌથી વધુ ઈંડાં બૅલૅન્સ કરવાનો રેકૉર્ડ

ગિનેસ વર્લ્ડ રેકૉર્ડ્સમાં સ્થાન મેળવનાર અસંખ્ય વિડિયો ગિનેસ બુક દ્વારા એના ઇન્સ્ટાગ્રામ-પેજ પર મૂકવામાં આવે છે. તાજેતરમાં ગિનેસ વર્લ્ડ રેકૉર્ડના ઇન્સ્ટાગ્રામ-પેજ પર એક વિડિયો પોસ્ટ કરવામાં આવ્યો છે, જેમાં એક યુવક તેના હાથના પાછળના હિસ્સા પર ઈંડાં બૅલૅન્સ કરે છે. તેણે હાથના પાછળના હિસ્સા પર એકસાથે ૧૮ ઈંડાં બૅલૅન્સ કર્યાં હતાં. 
ગિનેસ બુકના ઇન્સ્ટાગ્રામના આ પેજ પર મિડલ ઈસ્ટના લોકોએ સર્જેલા વિડિયો સમર્પિત છે. અહીં ઇરાકના ઇબ્રાહિમ સાદેક નામના એક યુવકે હાથની પાછળના હિસ્સા પર ઈંડાં બૅલૅન્સ કરવાની કોશિશ કરીને એકસાથે ૧૮ ઈંડાં બૅલૅન્સ કર્યાં હતાં. બે દિવસ પહેલાં પોસ્ટ કરાયેલા આ વિડિયોને અત્યાર સુધી ૨૭૦૦ લાઇક્સ મળી છે.