ફૂડ લવર્સને મોટો ઝટકો! ઝોમેટોએ પ્લેટફોર્મ ફી વધારી... હવે ચૂકવવી પડશે આ કિંમત

Zomato Platform Fee Hike: તહેવારોની મોસમ દરમિયાન, ઝોમેટોએ તેની પ્લેટફોર્મ ફીમાં 20 ટકા નો વધારો કર્યો છે, જે 10 રૂપિયાથી વધારીને 12 રૂપિયા પ્રતિ ઓર્ડર કરવામાં આવી છે. આ વધારો તે બધા શહેરોમાં લાગુ પડે છે જ્યાં ઝોમેટો સક્રિય છે.

પ્રતીકાત્મક તસવીર (સૌજન્ય: મિડ-ડે)

તહેવારોની મોસમ દરમિયાન, ઝોમેટોએ તેની પ્લેટફોર્મ ફીમાં 20 ટકા નો વધારો કર્યો છે, જે 10 રૂપિયાથી વધારીને 12 રૂપિયા પ્રતિ ઓર્ડર કરવામાં આવી છે. આ વધારો તે બધા શહેરોમાં લાગુ પડે છે જ્યાં ઝોમેટો સક્રિય છે. સ્વિગીએ પણ પસંદગીના સ્થળોએ પ્લેટફોર્મ ફીમાં વધારો કર્યો છે. સીઈઓ દીપિન્દર ગોયલની આગેવાની હેઠળની ઝોમેટોએ માર્જિન સુધારવા અને નફાકારકતા તરફ આગળ વધવાના પ્રયાસોના ભાગ રૂપે ઓગસ્ટ ૨૦૨૩માં સૌપ્રથમ ૨ રૂપિયા ચાર્જ રજૂ કર્યો હતો. ત્યારથી, ઝોમેટોએ ચાર્જમાં ઘણી વખત વધારો કર્યો છે.

તહેવારોની મોસમ નજીક આવી રહી છે, ફૂડ ડિલિવરી કંપનીઓ તેમના પ્લેટફોર્મ ફી વધારી રહી છે. એક અઠવાડિયા પહેલા સ્વિગીએ તેના પ્લેટફોર્મ ફીમાં વધારો કર્યા પછી, ફૂડ ડિલિવરી એગ્રીગેટર Zomato એ તેની પ્લેટફોર્મ ફીમાં 20 ટકા વધારો કર્યો છે. Eternal Limited ની પેટાકંપનીએ પ્રતિ ઓર્ડર ચાર્જ 10 રૂપિયાથી વધારીને 12 રૂપિયા કર્યો છે.

ગ્રાહકો માટે આ વધારો ઝોમેટો જ્યાં કાર્યરત છે તે બધા શહેરોમાં થયો છે. ગયા મહિને, હરીફ કંપની સ્વિગીએ વધતી માગને કારણે પસંદગીના સ્થળોએ 14 રૂપિયાની પ્લેટફોર્મ ફીની જાહેરાત કરી હતી.

ગયા વર્ષે તહેવારોની મોસમ પહેલા, ઝોમેટોએ તેની પ્લેટફોર્મ ફી પ્રતિ ઓર્ડર 6 રૂપિયાથી વધારીને 10 રૂપિયા કરી હતી. ગુરુગ્રામ સ્થિત કંપનીએ તેના પ્લેટફોર્મ ચાર્જને પ્રતિ ઓર્ડર 5 રૂપિયાથી વધારીને 6 રૂપિયા કર્યાના ત્રણ મહિના પછી આ વધારો કરવામાં આવ્યો છે.

૨૦૨૩માં પ્લેટફોર્મ ચાર્જ માત્ર ૨ રૂપિયા હતો
સીઈઓ દીપિન્દર ગોયલની આગેવાની હેઠળની ઝોમેટોએ માર્જિન સુધારવા અને નફાકારકતા તરફ આગળ વધવાના પ્રયાસોના ભાગ રૂપે ઓગસ્ટ ૨૦૨૩માં સૌપ્રથમ ૨ રૂપિયા ચાર્જ રજૂ કર્યો હતો. ત્યારથી, ઝોમેટોએ ચાર્જમાં ઘણી વખત વધારો કર્યો છે.

૨૦૨૩માં તેને વધારીને ૩ રૂપિયા અને પછી ૧ જાન્યુઆરી, ૨૦૨૪ના રોજ ૪ રૂપિયા કરવામાં આવ્યું. ૩૧ ડિસેમ્બર, ૨૦૨૩ના રોજ, ફી અસ્થાયી રૂપે વધારીને ૯ રૂપિયા અને પછી ઓક્ટોબર ૨૦૨૪માં ૭ રૂપિયા કરવામાં આવી. તે જ મહિને પાછળથી, ઝોમેટોએ તહેવારોની મોસમ દરમિયાન તેને વધારીને  ૧૦ રૂપિયા કરી, તેને "ઉત્સવની મોસમ પ્લેટફોર્મ ફી" ગણાવી.

ઇટર્નલના શૅર પ્રાઇસ
શુક્રવારે, NSE પર ઇટર્નલ શૅર રૂ. ૩૨૨.૮૫ પર બંધ થયા, જ્યારે બેન્ચમાર્ક નિફ્ટી ૫૦ ૦.૧૮ ટકા ઘટ્યો.

ઝોમેટોની નવી વ્યૂહરચના શું છે?
રેપિડોની ફૂડ ડિલિવરી સેવાઓમાં વધતી જતી પ્રવૃત્તિ વચ્ચે ઝોમેટો તેના કમિશન મોડેલનું પુનર્ગઠન કરવાનું વિચારી રહી છે. ઝોમેટોની પેરેન્ટ કંપની ઇટર્નલનો કોન્સોલિડેટેડ નફો જૂન 2025 માં પૂરા થયેલા ક્વાર્ટરમાં 36% ઘટીને રૂ. 25 કરોડ થયો છે જે માર્ચ ક્વાર્ટરમાં રૂ. 39 કરોડ હતો.