વિમેન્સ પ્રીમિયર લીગ : સતત બે હાર પછી દિલ્હીનો પહેલો વિજય, યુપીની સતત ત્રીજી હાર

ત્યાર બાદ પાંચમા બૉલમાં લેગ-બાયનો એક રન આવ્યો એને પગલે સ્કોર સમકક્ષ થયા હતા અને પછી છેલ્લા બૉલમાં એક રન જોઈતો હતો જે દિલ્હીની બૅટર લૉરા વૉલ્વાર્ટે મેળવી લીધો હતો. 

દિલ્હી કેપિટલ્સની લિઝેલ લી

વિમેન્સ પ્રીમિયર લીગની ગઈ કાલની સાતમી ​થ્રિલર મૅચમાં દિલ્હી કૅપિટલ્સે યુપી વૉરિયર્સને હરાવી દીધું હતું. યુપીએ પહેલાં બૅટિંગ કરીને ૨૦ ઓવરમાં ૮ વિકેટે ૧૫૪ રન કર્યા હતા, જેના જવાબમાં દિલ્હીએ છેલ્લા બૉલમાં વિજય મેળવ્યો હતો. દિલ્હીએ ૨૦ ઓવરમાં ૩ વિકેટે ૧૫૮ રન કર્યા હતા. દિલ્હીને છેલ્લી ઓવરમાં ૬ રન જોઈતા હતા જેમાંથી પહેલો બૉલ ડૉટ ગયો હતો, બીજા બૉલમાં બાઉન્ડરી ગઈ હતી, ત્રીજો-ચોથો બૉલ ડૉટ ગયા હતા. ત્યાર બાદ પાંચમા બૉલમાં લેગ-બાયનો એક રન આવ્યો એને પગલે સ્કોર સમકક્ષ થયા હતા અને પછી છેલ્લા બૉલમાં એક રન જોઈતો હતો જે દિલ્હીની બૅટર લૉરા વૉલ્વાર્ટે મેળવી લીધો હતો.