IPL પ્લેઑફમાં દરેક સદી માટે Grow-Trees.com અને ગુજરાતી Mid-day.com વાવશે વૃક્ષ

IPL Playoffs 2025: ‘સેન્ચ્યુરી ફૉર સસ્ટેનેબિલિટી: ગ્રીનિંગ ધ ગેમ’ IPL પ્લેઓફમાં ફટકારવામાં આવેલી દરેક સદી માટે એક વૃક્ષ વાવવામાં આવશે ગુજરાતી મિડ-ડે.કોમ `ગ્રીન ધ ગેમ` માટે સામાજિક સાહસ ગ્રો-ટ્રીઝ.કૉમ સાથે ભાગીદારી કરી રહ્યું છે.

પ્લેઑફ દરમિયાન કોઈ સદી ન ફટકારવામાં આવે, તો પણ આ સહયોગના ભાગ રૂપે ઓછામાં ઓછા 10 વૃક્ષો વાવવામાં આવશે

દુનિયાની સૌથી પ્રખ્યાત T-20 ક્રિકેટ લીગ ઇન્ડિયન પ્રીમિયર લીગ (IPL) 2025 પહેલાથી જ તેનો અડધો ભાગ પાર કરી ચૂકી છે. આ ક્રિકેટ ટુર્નામેન્ટ અનેક અદ્ભુત ક્ષણોથી ભરેલી રહી છે, જેમાં ગુજરાત ટાઇટન્સ સામે રાજસ્થાન રૉયલ્સના 14 વર્ષીય પ્રતિભાશાળી વૈભવ સૂર્યવંશી દ્વારા ફટકારવામાં આવેલી અદભુત સદી અને ચેન્નઈ સુપર કિંગ્સ સામે પંજાબ કિંગ્સના અનકૅપ્ડ પ્લેયર પ્રતિભા પ્રિયાંશ આર્યની પ્રભાવશાળી સેન્ચુરીનો સમાવેશ થાય છે.

જેમ જેમ પ્લેઑફ માટેની દોડ તીવ્ર બને છે, તેમ તેમ સિઝન કેવી રીતે આગળ વધી રહી છે તે ધ્યાનમાં લેતા, હાઇ-સ્કોરિંગ ક્વોલિફાયર મૅચો થવાની સંભાવના છે. જ્યારે એ જોવાનું બાકી છે કે કોણ અંતિમ તબક્કામાં આગળ વધશે અને હજી કેટલી સદીઓ ફટકારવામાં આવશે, ત્યારે કુદરત સાથે ઉજવણી કરવા માટે પહેલેથી જ એક ખાસ પહેલ કરવામાં આવી છે.

પ્લેઑફ નજીક આવી રહ્યા હોવાથી, ગુજરાતી Mid-day.com સોશિયલ એન્ટરપ્રાઇઝ Grow-Trees.com સાથે ભાગીદારી કરી રહ્યું છે જેથી IPLની પ્લેઑફ અને ફાઇનલમાં ફટકારવામાં આવેલી દરેક સદીને અર્થપૂર્ણ યોગદાનમાં ફેરવી શકાય. 20 મેથી શરૂ થતા ક્વૉલિફાયર, એલિમિનેટર અને 25 મેના રોજ ગ્રાન્ડ ફિનાલે દરમિયાન, દરેક ખેલાડીની દરેક સદી માટે એક વૃક્ષ વાવવામાં આવશે. ‘સેન્ચ્યુરી ફૉર સસ્ટેનેબિલિટી: ગ્રીનિંગ ધ ગેમ’ નામની પહેલ મેદાન પર વ્યક્તિગત પ્રતિભાની ઉજવણી કરે છે અને ક્રિકેટ ચાહકોને તેમની ગમતી ટીમોને ટેકો આપતી વખતે હરિયાળા ભવિષ્યને ટેકો આપવા માટે પ્રોત્સાહિત કરે છે.

"IPL વૈશ્વિક સ્તરે સૌથી પ્રતિષ્ઠિત ક્રિકેટ લીગમાંની એક છે, જેમાં દરેક ટીમંનો એક વિશાળ ફૅન બેસ છે. મેદાનની બહાર પણ, તે પર્યાવરણને પ્રકાશિત કરવાની એક અનોખી તક રજૂ કરે છે. આ ઝુંબેશ, જે પ્લેઑફ સુધી મર્યાદિત છે, તેમાં દરેક સદી માટે એક વૃક્ષ વાવવાનો સમાવેશ થાય છે અને ગુજરાતી મિડ-ડે. કોમની પર્યાવરણીય સુખાકારી અને સ્થિરતા પ્રત્યેની પ્રતિબદ્ધતાને પ્રતિબિંબિત કરે છે," ગુજરાતી મિડ-ડે ડિજિટલના સંપાદક ચિરંતના ભટ્ટે કહ્યું. જો પ્લેઑફ દરમિયાન કોઈ સદી ન ફટકારવામાં આવે, તો પણ આ સહયોગના ભાગ રૂપે ઓછામાં ઓછા 10 વૃક્ષો વાવવામાં આવશે.

Grow-Trees.com ના સહ-સ્થાપક પ્રદીપ શાહ ઉમેરે છે, "IPL દરેક ક્રિકેટ-પ્રેમી પરિવારમાં અજોડ ઉર્જા લાવે છે અને ઉભરતી પ્રતિભા માટે એક શક્તિશાળી પ્લેટફોર્મ તરીકે સેવા આપે છે. તે આપણને ગ્રીન પહેલને સમર્થન આપવાની અને વ્યક્તિગત અને સામૂહિક બન્ને પ્રકારની બાબતને પ્રેરણા આપવાની એક સંપૂર્ણ તક પણ આપે છે. આ સિઝનમાં બનેલી દરેક સદી માટે એક વૃક્ષ વાવવાનો પ્રયાસ ક્રિકેટ અને પર્યાવરણ પ્રત્યેના આપણા જુસ્સાને દર્શાવવાનો એક શ્રેષ્ઠ માર્ગ છે.” ક્રિકેટ પ્રેમીઓ www.grow-trees.com પર જઈને ગ્રીટ વિથ ટ્રીઝ®️ દ્વારા પણ આ પહેલમાં ભાગ લઈ શકે છે, જ્યાં દરેક વ્યક્તિને પ્રશંસાના પ્રતીક તરીકે eTreeCertificate®️ મળશે.