ઇન્ડિયા A ટીમ ન્યુ ઝીલૅન્ડમાં ભારતની વાઇટ-બૉલ સિરીઝ દરમ્યાન ટેસ્ટ-સિરીઝ રમશે

ન્યુ ઝીલૅન્ડ ટૂર પર ભારત બાવીસ ઑક્ટોબરથી ૧૫ નવેમ્બર વચ્ચે પાંચ T20 અને પાંચ વન-ડે મૅચની સિરીઝ રમતું હશે. એ જ સમયગાળામાં ૨૪ ઑક્ટોબરથી ૧૦ નવેમ્બર દરમ્યાન ઇન્ડિયા A ટીમ ત્રણ અનઑફિશ્યલ ટેસ્ટ-મૅચની સિરીઝ રમશે. ૧૯ નવેમ્બરથી ૧ ડિસેમ્બર દરમ્યાન ભારત-ન્યુ ઝીલૅન્ડની સિનિયર ટીમોની બે ટેસ્ટ-મૅચની તૈયારી માટે આ અનઑફિશ્યલ ટેસ્ટ-મૅચ રમાશે.

વિકેટકીપર-બૅટર ધ્રુવ જુરેલની આગેવાનીમાં ૧૫ સભ્યોની ઇન્ડિયા A ટીમની જાહેરાત કરવામાં આવી છે જેમાં ઈરાની કપમાં ધમાલ મચાવનાર ફાસ્ટ બોલર આકાશ દીપ, મુકેશ કુમાર, મુકેશ ચૌધરી સહિત રેસ્ટ ઑફ ઇન્ડિયાના શતકવીર રવિચન્દ્રન સ્મરણને પણ સ્થાન મળ્યું છે. 

ઇન્ડિયા A સ્ક્વૉડ

યશસ્વી જાયસવાલ, કે.એલ. રાહુલ, દેવદત્ત પડિક્કલ, રવિચન્દ્રન સ્મરણ, રિષભ પંત (ફિટનેસને આધીન), ધ્રુવ જુરેલ (કૅપ્ટન), વૉશિંગ્ટન સુંદર, આકિબ નબી, આકાશ દીપ, મુકેશ કુમાર, યશ રાઠોડ, અંશુલ કમ્બોજ, માનવ સુથાર, મુકેશ ચૌધરી, સાઈ સુદર્શન.