રાજ કપૂરની જન્મશતાબ્દી નિમિત્તે પૂનમ ઢિલ્લોં અને પદ‍્‍મિની કોલ્હાપુરે દ્વારા મ્યુઝિકલ ઈવનિંગનું આયોજન

રાજ કપૂરની જન્મશતાબ્દી ૧૪ ડિસેમ્બરે છે, પણ CINTAAનો કાર્યક્રમ મુકેશ પટેલ ઑડિટોરિયમમાં ૧૮ ડિસેમ્બરે થશે

CINTAAની મીટિંગમાં પૂનમ ઢિલ્લોં, પદ‍્‍મિની કોલ્હાપુરે તથા અન્યો

સિને ઍન્ડ ટીવી આર્ટિસ્ટ‍્સ અસોસિએશન (CINTAA)એ રાજ કપૂરની જન્મશતાબ્દી ઊજવવા એક મ્યુઝિકલ ઈવનિંગનું આયોજન કરવાનું નક્કી કર્યું છે. આ આયોજન CINTAAમાં પ્રેસિડન્ટ પૂનમ ઢિલ્લોં અને સિનિયર વાઇસ પ્રેસિડન્ટ પદ‍્‍મિની કોલ્હાપુરે દ્વારા થશે. રાજ કપૂરની જન્મશતાબ્દી ૧૪ ડિસેમ્બરે છે, પણ CINTAAનો કાર્યક્રમ મુકેશ પટેલ ઑડિટોરિયમમાં ૧૮ ડિસેમ્બરે થશે. આ કાર્યક્રમમાં ભારતીય સિનેમાના શોમૅન રાજ કપૂરને સેલિબ્રેટ કરવા નીતિન મુકેશ, કવિતા કૃષ્ણમૂર્તિ, સુરેશ વાડકર, શૈલેન્દ્ર સિંહ, સુદેશ ભોસલે જેવાં ગાયક કલાકારો ભેગાં થશે. આ ગાયકો આર. કે. ફિલ્મ્સની ફિલ્મોમાં અવિસ્મરણીય ગીતોને રજૂ કરીને રાજ કપૂરને અંજલિ આપશે.