ગજબનો પરિવાર

આમિર ખાન તેની બન્ને ભૂતપૂર્વ પત્નીઓ અને વર્તમાન પાર્ટનર સાથે એક જ કારમાં જોવા મળતાં લોકો આશ્ચર્ય અનુભવીને આવી કમેન્ટ કરી રહ્યા છે

આ સંબંધોને જોઈને ફૅન્સ તેમને ગજબનો પરિવાર ગણાવી રહ્યા છે

આમિર ખાન તેના આધુનિક પારિવારિક સંબંધોને લઈને આ દિવસોમાં સોશ્યલ મીડિયા પર ચર્ચામાં છે. આમિર હવે તેની પાર્ટનર ગૌરી સ્પ્રૅટ સાથે ત્રીજાં લગ્ન કરવાના પ્લાનિંગમાં છે. આ સંજોગોમાં આમિરની ભૂતપૂર્વ પત્ની કિરણ રાવ અને ભાવિ પત્ની ગૌરી એકબીજા સાથે મજબૂત બૉન્ડિંગ ધરાવતાં હોય એ રીતે વાતચીત કરતાં જોવાં મળ્યાં હતાં.

સોશ્યલ મીડિયામાં ચર્ચામાં આવેલા આ વિડિયોમાં આમિર ખાન, તેની પાર્ટનર ગૌરી, ભૂતપૂર્વ પત્નીઓ કિરણ અને રીના દત્તા અને કિરણનો દીકરો આઝાદ રાવ ખાન એક જ કારમાં મુસાફરી કરતા જોવા મળે છે. વિડિયોમાં આમિર ડ્રાઇવરની બાજુની આગળની સીટ પર બેઠેલો દેખાય છે જ્યારે ગૌરી પાછળની સીટ પર કિરણ અને આઝાદ સાથે બેઠેલી જોવા મળે છે. આ પછી રીના દત્તા પણ એ જ કારમાં આવીને બેસી જાય છે. આ પછી આમિરના જીવનની ત્રણેય ખાસ મહિલાઓ એકબીજા સાથે ક્વૉલિટી ટાઇમ પસાર કરતી જોવા મળે છે અને તેમના આ સંબંધોને જોઈને ફૅન્સ તેમને ગજબનો પરિવાર ગણાવી રહ્યા છે.