અભય દેઓલ ગુરુગ્રામની ક્લબમાં બન્યો DJ

મ્યુઝિકલ પાર્ટી નાઇટનો તેનો વિડિયો ઇન્ટરનેટ પર વાઇરલ થઈ ગયો છે

અભય દેઓલ

અભય દેઓલ હાલમાં ગુરુગ્રામની એક મોટી ક્લબમાં DJ (ડિસ્ક જૉકી)ની જવાબદારી નિભાવતો જોવા મળ્યો હતો. આ સમયે તેના અંદાજથી ચાહકો અને દર્શકો ઝૂમી ઊઠ્યા હતા. અભય દેઓલે આ વિશે કોઈ પોસ્ટ કરી નથી પરંતુ આ મ્યુઝિકલ પાર્ટી નાઇટનો તેનો વિડિયો ઇન્ટરનેટ પર વાઇરલ થઈ ગયો છે.

આ વિડિયોમાં અભય સિગારેટ પીતાં-પીતાં ધમાલ મ્યુઝિક પ્રેઝન્ટ કરી રહ્યો છે. લોકોએ અભયના આ અંદાજની ખૂબ પ્રશંસા કરી છે અને તેની તુલના બૉબી દેઓલ સાથે પણ થઈ રહી છે. ૨૦૧૬માં બૉબીએ પણ દિલ્હીની એક નાઇટ-ક્લબમાં DJ તરીકેની જવાબદારી નિભાવી હતી.

અભયનો DJ તરીકેનો અંદાજ તેના ફૅન્સને બહુ પસંદ પડ્યો છે. કેટલાકે કહ્યું કે તે ભાઈ બૉબી દેઓલના પગલે ચાલી રહ્યો છે.