અહાન શેટ્ટી બનશે સનકી

‘બૉર્ડર 2’ પછી અહાને ડિરેક્ટર ટીનુ દેસાઈની ફિલ્મ સાઇન કરી છે

અહાન શેટ્ટી

સુનીલ શેટ્ટીના દીકરા અહાન શેટ્ટીએ ૨૦૨૧માં આવેલી ફિલ્મ ‘તડપ’ દ્વારા બૉલીવુડમાં એન્ટ્રી લીધી હતી. આ ફિલ્મનું નિર્માણ સાજિદ નડિયાદવાલા દ્વારા કરવામાં આવ્યું હતું. ત્યાર બાદ અહાન આ જ પ્રોડક્શન હાઉસની ‘સનકી’ ફિલ્મમાં કામ કરવા જઈ રહ્યો હતો, પરંતુ એ પ્રોજેક્ટ આગળ વધી શક્યો નહોતો. જોકે હવે લેટેસ્ટ રિપોર્ટ પ્રમાણે ‘બૉર્ડર 2’ પછી અહાને ડિરેક્ટર ટીનુ દેસાઈની ફિલ્મ સાઇન કરી છે. મળતી માહિતી પ્રમાણે શરૂઆતમાં આ ફિલ્મ કોઈ બીજા નામથી બનાવવાની યોજના હતી, પરંતુ ડિરેક્ટરની ઇચ્છા ‘સનકી’ નામ જ રાખવાની હતી. જોકે ‘સનકી’ ટાઇટલનો હક સાજિદ નડિયાદવાલા પાસે હતો તેથી અહાને સીધો તેનો સંપર્ક કર્યો. આ પછી સાજિદે કોઈ શરત વિના આ ટાઇટલનો ઉપયોગ કરવાની મંજૂરી આપી દીધી.