‘ગંગુબાઈ કાઠિયાવાડી’નું પંદરમી જૂનથી શૂટિંગ શરૂ કરશે આલિયા

નવા નિયમોને ધ્યાનમાં રાખીને આ ફિલ્મનું શૂટિંગ શરૂ કરવામાં આવશે

આલિયા ભટ્ટ

સંજય લીલા ભણસાલીના પ્રોડક્શન-હાઉસ હેઠળ બની રહેલી ‘ગંગુબાઈ કાઠિયાવાડી’નું શૂટિંગ ૧૫ જૂનથી શરૂ કરવામાં આવશે. મુંબઈમાં પાંચ લેવલ અનલૉક પ્લાન દ્વારા ઘણી છૂટછાટ આપવામાં આવી છે. નવા નિયમોને ધ્યાનમાં રાખીને આ ફિલ્મનું શૂટિંગ શરૂ કરવામાં આવશે. આ ફિલ્મની સાથે જ અન્ય ફિલ્મોનું શૂટિંગ પણ ૧૫ જૂનથી શરૂ કરવામાં આવી રહ્યું છે. કોરોના વાઇરસની સેકન્ડ વેવને કારણે સરકાર દ્વારા શૂટિંગ પર પ્રતિબંધ મૂકવામાં આવ્યો હતો. જોકે હવે ટાઇમિંગ અને ક્રાઉડ રિસ્ટ્રિક્શન સાથે શૂટિંગ માટે પરવાનગી આપી દેવામાં આવી છે.