અમિતાભ બચ્ચને ઈરાની ગાયિકાએ ફારસી ભાષામાં ગાયેલું ભક્તિગીત શૅર કર્યું

અમિતાભે શૅર કરેલું આ ગીત ઈરાની ગાયિકાએ ગાયું છે અને એમાં ઈરાનમાં આવેલા મંદિરની ઝલક પણ જોવા મળે છે

તસવીર સૌજન્યઃ સોશ્યલ મીડિયા

અમિતાભ બચ્ચન હંમેશાં સોશ્યલ મીડિયા પર ચાહકો સાથે જોડાયેલા રહે છે. હાલમાં અમિતાભે પોતાના સોશ્યલ મીડિયામાં વિદેશી ધરતી પર આવેલા ૧૩૪ વર્ષ જૂના મંદિર વિશે માહિતી શૅર કરી હતી. આ સાથે જ તેમણે ભગવાન વિષ્ણુ પર આધારિત ફારસી ભાષાનું ૩ મિનિટ ૮ સેકન્ડનું એક ભક્તિગીત પણ શૅર કર્યું હતું. અમિતાભે શૅર કરેલું આ ગીત ઈરાની ગાયિકાએ ગાયું છે અને એમાં ઈરાનમાં આવેલા મંદિરની ઝલક પણ જોવા મળે છે.

આ વિડિયો શૅર કરતાં અમિતાભે લખ્યું છે, ‘ઈરાનના અબ્બાસ બંદરમાં આવેલું પ્રાચીન હિન્દુ વિષ્ણુ મંદિર વર્ષ ૧૮૯૨માં બનાવવામાં આવ્યું હતું. આ મંદિરનું નિર્માણ કજર યુગ દરમ્યાન કરવામાં આવ્યું હતું. આ મંદિર શહેરમાં કાર્યરત ભારતીય હિન્દુ વેપારીઓ માટે બનાવવામાં આવ્યું હતું. આ ગીત ફારસી ભાષામાં છે.’