30 July, 2021 12:13 PM IST | Mumbai | Gujarati Mid-day Correspondent
બાદશાહ
બાદશાહનું કહેવું છે કે તેના ગીત પર જ્યારે પણ લોકો રીલ્સ અને કવર્સ બનાવે છે ત્યારે તેને ઘણી ખુશી થાય છે. ઉચાના અમિતની સાથે તેણે બનાવેલા ગીત ‘બાવલા’ને હાલમાં જ રિલીઝ કરવામાં આવ્યું છે. આ વિશે વાત કરતાં બાદશાહે કહ્યું હતું કે ‘આપણી ટ્રેડિશન સાથે જોડાયેલું હોય એવું મ્યુઝિક મારે લોકો સુધી પહોંચાડવું છે અને એ ‘બાવલા’ દ્વારા મેં આપ્યું છે. લોકો રીલ્સ અને કવર્સમાં મારા ગીતનો ઉપયોગ કરે એનાથી મને ઘણી ખુશી મળે છે. હું પોતાને ખૂબ જ નસીબદાર માનું છું કે મને જે કરવું ગમે છે એ હું કરી રહ્યો છું. આશા છે કે ‘બાવલા’ લોકોને પસંદ પડશે.’