Operation Sindoorની બૉલિવુડ પર અસર… રાજકુમાર રાવની આ ફિલ્મ થિયેટરમાં નહીં OTT પર થશે રિલીઝ

Bhool Chuk Maaf OTT Release: રાજકુમાર રાવ અને વામિકા ગબ્બીની ફિલ્મ ‘ભૂલ ચૂક માફ’ પહેલા ૯ મેના રોજ થિયેટરમાં રિલીઝ થવાની હતી, પરંતુ ભારત અને પાકિસ્તાન વચ્ચે વધતા તણાવને જોતાં નિર્માતાઓએ પોતાનો નિર્ણય બદલી નાખ્યો છે, હવે OTT પર થશે રિલીઝ

ફિલ્મનું પોસ્ટર

પહેલગામ (Pahalgam)માં થયેલા હુમલા (Pahalgam Terror Attack) બાદ ભારત (India)એ પાકિસ્તાન અધિકૃત કાશ્મીર (Pakistan Occupied Kashmir)માં ૯ આતંકવાદી ઠેકાણાઓ પર હવાઈ હુમલા કરીને યોગ્ય જવાબ આપ્યો હતો. ભારતે આ મિશનને `ઓપરેશન સિંદૂર` (Operation Sindoor) નામ આપ્યું હતું. બંને દેશો વચ્ચે વધતા તણાવ (India-Pakistan Tension)ને ધ્યાનમાં રાખીને અને ભારતીયોની સુરક્ષાને ધ્યાનમાં રાખીને ઘણા મહત્વના નિર્ણયો લેવામાં આવ્યા હતા. જેમાં હવે બૉલિવુડ (Bollywood) પણ સાથ આપી રહ્યું છે. રાજકુમાર રાવ (Rajkummar Rao) અને વામિકા ગબ્બી (Wamiqa Gabbi) સ્ટારર ફિલ્મ `ભૂલ ચૂક માફ` (Bhool Chuk Maaf) ના થિયેટર રિલીઝ અંગે નિર્માતાઓએ મોટો નિર્ણય લીધો છે. દેશભરના લોકોની સલામતીને ધ્યાનમાં રાખીને, નિર્માતાઓ હવે આ વખતે કોમેડી ફિલ્મ થિયેટરને બદલે સીધી ઓટીટી પ્લેટફોર્મ પર રિલીઝ (Bhool Chuk Maaf OTT Release) કરી રહ્યા છે. આ સાથે ‘ભૂલ ચૂક માફ’ની રિલીઝ તારીખ પણ બદલાઈ ગઈ છે.

મેડોક ફિલ્મ્સ (Maddock Films)એ તેમના સત્તાવાર ઇન્સ્ટાગ્રામ (Instagram) એકાઉન્ટ પર ભૂલ ચૂક માફના OTT રિલીઝ સંબંધિત માહિતી શેર કરી, જેની સાથે તેમણે એક નિવેદન પણ બહાર પાડ્યું. જેમાં તેમણે લખ્યું, ‘તાજેતરની ઘટનાને ધ્યાનમાં રાખીને અને દેશની સુરક્ષા કવાયતને ધ્યાનમાં રાખીને, મેડોક ફિલ્મ્સ અને એમેઝોન MGM સ્ટુડિયોએ નિર્ણય લીધો છે કે અમે ફેમિલી એન્ટરટેઈનર ફિલ્મ `ભૂલ ચૂક માફ` સીધી તમારા ઘરે લાવીશું. ભલે અમે તમારા બધા સાથે આ ફિલ્મની ઉજવણી કરવા માટે આતુરતાથી રાહ જોઈ રહ્યા છીએ, પરંતુ દેશ પહેલા આવે છે. જય હિંદ.’

નિર્માતાઓએ કેપ્શનમાં એમ પણ જણાવ્યું હતું કે, આ ફિલ્મ આવતા અઠવાડિયે ૧૬ મેના રોજ એમેઝોન પ્રાઇમ વિડિયો (Amazon Prime Video) પર રિલીઝ થશે.

મેડોકની આ પોસ્ટ પર લોકો ઘણી કમેન્ટ્સ કરી રહ્યા છે. એકે લખ્યું, "આ નિર્માતાઓનો એક મહાન અને સમજદાર નિર્ણય છે. તે જ સમયે, બીજાએ લખ્યું, "આભાર મેડોક ફિલ્મ્સ અને તે ખૂબ સરસ છે કે તમે આપણા દેશ વિશે વિચાર્યું જે આ ફિલ્મની રાહ જોઈ રહ્યો છે." બીજા યુઝરે લખ્યું, "સારું છે, અમે તેને ઘરે બેસીને જોઈ રહ્યા છીએ અને તેનો આનંદ માણી રહ્યા છીએ."

કરણ શર્મા (Karan Sharma) દ્વારા લિખિત અને દિગ્દર્શિત આ હૃદયસ્પર્શી રોમેન્ટિક કોમેડી `ભૂલ ચૂક માફ` જેમાં વામિકા ગબ્બી પણ અભિનય કરે છે, તે આકર્ષણ, અરાજકતા અને નાના શહેરી પ્રેમનું એક મિશ્રણ છે. વારાણસી (Varansi)ની જીવંત ગલીઓમાં સેટ કરેલી, આ ફિલ્મ રંજન નામના એક નિરાશાજનક અનરોમેન્ટિક વ્યક્તિની વાર્તા છે, જે તેના પ્રેમ તિતલીને પાછો મેળવવા માટે સરકારી નોકરી સ્વીકારે છે. પરંતુ લગ્ન પહેલાં, ભાગ્ય એક એવો વળાંક લે છે જે તેની દુનિયાને અણધારી રીતે ઉથલાવી નાખે છે.

તમને જણાવી દઈએ કે, ફિલ્મ `ભૂલ ચૂક માફ`નું એડવાન્સ બુકિંગ પણ શરૂ થઈ ગયું હતું અને અત્યાર સુધીમાં ૩૦૦ થી વધુ ટિકિટ વેચાઈ ગઈ હોવાનું જાણવા મળે છે.