11 September, 2026 11:29 AM IST | Mumbai | Gujarati Mid-day Correspondent
બિપાશાએ ગઈ કાલે સોશ્યલ મીડિયામાં એક વિડિયો શૅર કર્યો હતો
મહારાષ્ટ્રના ફૂડ ઍન્ડ ડ્રગ ઍડ્મિનિસ્ટ્રેશન (FDA)ના કમિશનર તુકારામ મુંઢે છેલ્લા કેટલાક સમયથી ફૂડ-સેફ્ટી મામલે સતત કડક કાર્યવાહી કરી રહ્યા છે. આ બધાની વચ્ચે બિપાશા બાસુએ પણ એક ન્યુટ્રિશન-પ્રોડક્ટને લઈને ગંભીર ચિંતા વ્યક્ત કરી છે. બિપાશાએ જે પ્રોડક્ટ વિશે ફરિયાદ કરી છે એ બ્રૅન્ડ મુખ્યત્વે વ્હે પ્રોટીન આઇસોલેટ અને અન્ય સપ્લિમેન્ટ્સ માટે જાણીતી છે. આ પ્રોડક્ટ્સને લો-કાર્બના અથવા ઝીરો-કાર્બ વિકલ્પ તરીકે બજારમાં વેચવામાં આવે છે.
બિપાશાએ ગઈ કાલે સોશ્યલ મીડિયામાં એક વિડિયો શૅર કર્યો હતો જેમાં તેણે દાવો કર્યો હતો કે ન્યુટ્રિશન-પ્રોડક્ટનો નવો ડબ્બો ખોલતાં અંદર નાની-નાની ઈયળો જોવા મળી હતી. બિપાશાએ પછી આ મામલે તુકારામ મુંઢેને ટૅગ કરીને સીધી મદદની અપીલ પણ કરી છે.
બિપાશાએ પોતાની પોસ્ટમાં લખ્યું હતું : ‘તુકારામ મુંઢે, તમે જ અમારી એકમાત્ર આશા છો જેથી અમે જે પણ વસ્તુ ખરીદીએ એમાં કોઈ ભેળસેળ ન હોય અને એ બગડેલી ન હોય.’
